Popular Bible Verses from उत्पत्ति 25

Share

यहोवा आकिन से अंदुन, “नीन गर्भ दा येढ्‍ढ जातीगोळ आव, आंदुर दा टु येढ्‍ढ समूह अन लॉकुर होटकु अलग आदार; ऊंद समूह अन लॉकुर दुसरा से येक्‍कुल ताकतवर आदार, अदिक धोड्‍डेव श्‍याण्णेव उन स्यावा माळ्‍यान.”

आव याकूब से अंदुन, “नानी हापाळ हसू हत्‍याद; नी जो बेईसीत्‍या, जल्‍दी माळकु अदुर दा टु नानी येनारा तीनली कोळ.” ईदा कारण आद कि आऊक एदोम भी अनकु आग्‍याद.

इसहाक उन हिंग्‍स रा बाँझ ईरोर इदुरसाटी आव तान हिंग्‍स उन दी टु यहोवा से विनती माळदुन; अदिक आऊन विनती केळदुन, ई प्रकार आऊन हिंग्‍स रिबका गर्भवती ईत्‍तुर.

एसाव अंदुन, “नोळ, हसु देल नान जीव होळेत्‍याद; धोळ आगोद अधिकार देल नानी येन फायदा आद?” लेकीन याकूब अंदुन, “रा पयले नी नान से कसम ताकोम.” आग एसाव कसम तीनकु तान धोळ आगोद अधिकार याकूब उन कय दा मार कोंडुन.

ईदुर बाद्‍दा आऊन वार्ट उन जनम आत, जो तान कय देल तान वार्ट एसाव उन काल हुडुकु ईरोन; आग आऊन हेसुर याकूब ईटकु आत. याग रिबका आऊक जनम कोट्‍टुर आग इसहाक साठ वर्ष इन ईरोन.

एसाव इसहाक उन प्यारा ईरोन यतिकी इसहाक उक मांस हापाळ वळ्‍लीद हततोगोद, लेकीन याकूब रिबका अन प्यारा ईरोन.