Popular Bible Verses from उत्पत्ति 17

Share

याग अब्राहम निन्‍यानवे वर्ष इनव आगेदुन, आग यहोवा आऊक दर्शन कोटकु अंदुन, “ना सर्वशक्तिमान ईश्‍वर हुईन; नान उपस्‍थिति दा नळु अदिक सिद्ध आगतेला होग.

इदुरसाटी ईग टु नीन हेसुर अब्राहम ईरतीदील, लेकीन नीन हेसुर अब्राहम आदीत; यतिकी ना नीनी जातीगोळ समूह अन मूल आप्‍प ठहरूस बुटीन.

अदिक ना नीन सांगुळ, अदिक नीन बाद्‍दा पीढ़ी पीढ़ी ताका नीन वंश इन सांगुळ भी ई आशय इन युग युग इन वादा कटतीन, कि ना नीन अदिक नीन बाद्‍दा नीन वंश इनव भी परमेश्वर ईराईन.

“नोळ, नान वादा नीन सांगुळ कटकु ईत्‍तीत, इदुरसाटी नी जातीगोळ समूह अन मूल आप्‍प आगेद्‍या.

आग परमेश्वर अंदुन, सही दा नीन हिंग्‍स सारा नीन से ऊंद पार पैदा आदान; अदिक नी आऊन हेसुर इसहाक ईटेत; अदिक ना आऊन सांगुळ हिंग वादा माळाईन जो आऊन बाद्‍दा आऊन वंश इन साटी युग-युग इन वादा आदीत.

अदिक ना नीनी इक, अदिक नीन बाद्‍दा नीन वंश इक भी, ईद सप्‍पा कनान द्‍याश यदुर दा नी परदेशी आगकु ईरत्‍या, युग युग इन साटी कोट बुळाईन; अदिक ना आंदुरव परमेश्वर आगाईन.

आग अब्राहम बाय इन भार देल बिद्‍दुन अदिक नेगली कुरतुन, अदिक अनली कुरतुन, “येन सौ वर्ष इन मंळसा अन भी चिग्‍द आदीत अदिक येन सारा जो नब्‍बे वर्ष इन आर चिग्‍द हाळदार?”

बाक परमेश्वर अब्राहम से अंदुन, “नीन हिंग्‍स जो सारै आर, आकी नी ईगी टु सारै अनबाळेत, आकिन हेसुर सारा ईत्‍तीत.

नीव तान तान खतना माळ कोमेतीर: जो वादा नीम अदिक नान बीच दा आद, अदुर्द ईदा चिन्ह आदीत.

लेकीन ना तान वादा इसहाक इन सांगुळ अच कटाईन जो सारा से सामने वर्ष ईदा नीवळुस्द समय दा पैदा आदान.

अदिक नीम पीढ़ी टु पीढ़ी ताका नीम बीच दा येट्‍ट दिन इन सप्‍पा पारगोळ्‍द खतना माळकु आगुल; चाहे आव नीम मान्‍या पैदा आगीदान या यातोवारा परदेशी इन हाती टु पैस्या देल कोंडकु यती ईला आगीदान अदिक नीम वंश इनव येती ईला आगीदान. जो दास नीन मान्‍या पैदा आगीदान या नीन धन देल कोंडकु आगीदान आऊन खतना जरूर माळकु आगुल; ई प्रकार नान वादा अन ईद चिन्‍ह युग युग ताका नीम शरीर दा बन्सकु ईत्‍तीत.