Popular Bible Verses from PESALEMA 119

Share

Lefoko la gago ke lobone lwa dinao tsa me, le lesedi la tsela ya me.

Ke beile lefoko la gago mo pelong ya me gore ke se ka ka go leofela.

Ana motho wa lekau o tlaa ntlafatsa tsela ya gagwe ka eng? Ka go e tlhokomela ka fa lefokong la gago.

Go sego ba ba bolokang ditshupo tsa gagwe, ba mmatla ka pelo yotlhe.

O boitshubelo jwa me, le thebe ya me; ke solofetse mo lefokong la gago.

Nnaya tlhaloganyo, mme ke tlaa boloka molao wa gago; ee, ke tlaa o tlhokomela ka pelo ya me yotlhe fela.

Sokololela pelo ya me mo ditshupong tsa gago, e seng mo bopelotshetlheng.

Go ntiretse molemo fa ke ntse ke patikwa; gore ke tle ke ithute ditao tsa gago.

Ke lone kgomotso ya me mo pitlaganong; gonne lefoko la gago le ntsitsibositse.

Ntseisa tsela ya ditaolo tsa gago; gonne ke ja monate mo go tsone.

Nthuta tsela ya ditao tsa gago

Ke nyera mowa ka go imelesega; nthatafatsa ka fa lefokong la gago.

Ana ke rata molao wa gago jang! Ke one go tlhatlhanya ga me ka letsatsi lotlhe.