Popular Bible Verses from PESALEMA 107

Share

A ko lo ntshetseng Jehofa malebogo; gonne o molemo; gonne boutlwelobotlhoko jwa gagwe bo eme ka bosakhutleng.

A ise lefoko la gagwe, a ba fodise, a ba swatole mo ditshenyegong tsa bone.

A bo batho ba ka ka ba baka Jehofa ka ntlha ya molemo wa gagwe, le ka ntlha ya ditiro tsa gagwe tse di gakgamatsang mo baneng ba batho! Gonne o kgorisa mowa o o eletsang, le mowa o o bolailweng ke tlala o o kgorise ka molemo.

Foo ba goele kwa go Jehofa mo tlalelong ya bone, mme a ba swatole mo dipitlaganong tsa bone. A ritibatse matsubutsubu, makhubu a one a ba a tla a tle a eme fela.

Foo ba goela kwa go Jehofa mo tlalelong ya bone, mme a ba golola a ba ntsha mo dipitlaganong tsa bone.

Foo ba ikuele Jehofa mo tlalelong ya bone, mme a ba golole a ba ntshe mo dipitlaganong tsa bone.

Foo ba ikuela Jehofa mo tlalelong ya bone, mme a ba boloka, a ba ntsha mo dipitlaganong tsa bone.