Popular Bible Verses from GENESISE 39

Share

Jehofa a nna le Josefe, a ba a nna monna yo o tlhogonolofetseng, a nna mo ntlong ya mong wa gagwe wa Moegepeto.

A lesa tsotlhe tse a nang natso mo seatleng sa ga Josefe; a sa itse sepe se a nang naso, fa e se dijo tse o di jang fela. Josefe a bo a le montle, a bopegile sentle.

Modisa wa ntlo ya kgolegelo a tsenya bagolegwa botlhe ba ba mo ntlong ya kgolegelo mo seatleng sa ga Josefe; sengwe le sengwe se se dirwang gone ya nna ene modiri wa sone.

Mong wa ga Josefe a mo tsenya mo ntlong ya kgolegelo, felo kwa bagolegwa ba kgosi ba golegelwang gone; a nna gone mo ntlong ya kgolegelo. Jehofa a nna le Josefe, a mo supetsa pelonomi, a mo naya tsalano mo matlhong a modisa wa ntlo ya kgolegelo.

Ga dirala ya re morago ga dilo tse, mogatsa mong wa gagwe a eletsa Josefe ka matlho; mme a re: “Robala le nna.” Mme a gana, a raya mogatsa mong wa gagwe a re: “Bona, monngwake ga a itse sepe se se mo go nna mo ntlong, o tsentse tsotlhe tse a nang natso mo seatleng sa me; mo ntlong e, ga go na ope yo o mogolo mo go nna, le gone ga a a baya sepe kwa ntle ga me, fa e se wena, ka gobo o le mosadi wa gagwe; kana foo bosula jo bogolo jo ke ka bo dira jang, ke leofela Modimo?”

Ga dirala ya re ka lobaka loo Josefe a tsena mo ntlong go dira tiro ya gagwe; mme go ne go se na ope wa banna ba ntlo gone mo teng. Mosadi a mo phamola ka seaparo a re: “Robala le nna.” Josefe a tlogela seaparo sa gagwe mo seatleng sa mosadi a tshaba, a tswela kwa ntle.