Popular Bible Verses from EKESODO 31

Share

“Bona, Besalele morwa Uri morwa Hure, wa lotso lwa Juta, ke mmiditse ka leina. Ke mo tladitse mowa wa Modimo, wa botlhale, le wa tlhaloganyo, le wa kitso mo tirong nngwe le nngwe. Go akanyetsa ditiro tsa matsetseleko, go dira ka gouta, le ka selefera, le ka kgotlho. Le go setela majana go a tlhoma mo diaparong, le go seta dikgong, le go dira ditiro tsotlhe fela.

“Le gone o bue le bana ba Iseraele o re: ‘Ruri lo tlaa boloka Bosabata ba me; gonne ke sesupo gare ga me le lona go ya le dikokomana tsotlhe tsa lona, gore lo tle lo itse fa ke le Jehofa yo ke lo itshepisang.

Ke sesupo gare ga me le bana ba Iseraele ka bosakhutleng; gonne Jehofa o dirile legodimo le lefatshe ka malatsi a le marataro, mme e rile ka letsatsi la bosupa a ikhutsa, mme a homola.’ ”