Popular Bible Verses from EKESODO 2

Share

Modimo wa utlwa go lela ga bone mme wa gakologelwa kgolagano ya one le Aberahame le Isake le Jakobe. Modimo wa leba bana ba Iseraele, wa ba ngoka.

Ga diragala ya re mo go feteng ga malatsi ao a mantsi, kgosi ya Egepeto ya a swa. Bana ba Iseraele ba fegelwa ka ntlha ya kgolego, mme ba lela; go lela ga bone ga tlhatlogela kwa Modimong ka ntlha ya kgolego.

Ngwanyana a gola, mmaagwe a mo isa kwa go morwadia Faro, a nna morwawe. A mo raya leina a re Moše; a re: “Ka gobo ke mo ntshitse mo metsing.”

Morwadia Faro a mo raya a re: “Tsaya ngwana yo o ye nae o mo nkamusetse; ke tlaa go naya tuelo ya gago.” Mosadi a tsaya ngwana, a mo amusa.

Morwadia Faro a fologela kwa nokeng a ya go tlhapa; malata a gagwe a nna a tsamaya le lotshitshi lwa noka; mme ene a bona seroto mo motsitleng, a roma lelata la gagwe la ya go se tsaya.

Ga diragala ya re mo metlheng eo, Moše a sena go gola, a tswela kwa go ba ga gabo, a leba merwalo ya bone; a bona Moegepeto a itaya Mohebere mongwe wa ba ga gabo. A gadima kwa le kwa, ya re a bona fa go se na motho ope, a bolaya Moegepeto, a mo fitlha mo mošaweng.