Popular Bible Verses from EKESODO 16

Share

Bana ba Iseraele ba ba raya ba re: “A bo re ka bo re swetse kwa lefatsheng la Egepeto ra bolawa ke seatla sa ga Jehofa fela, jale ka re sa ntse re ntse fa dipitsaneng tsa nama, jale ka re sa ntse re ijela dijo re kgora; gonne lo re ntshwditse kwano nageng e, go tla lo bolaya phuthego e yotlhe fela ka tlala.” Foo Jehofa a raya Moše a re: “Bona, ke tlaa lo nesetsa dijo di tswa kwa legodimong; batho ba tlaa tswa ka tsatsi lengwe le lengwe ba ya go ipapalela mo go lekanyeng letsatsi leo fela, gore ke ba leke ke bone boo ba tlaa sepela mo taolong ya me kgotsa nnyaa.

Phuthego yotlhe ya bana ba Iseraele ya ngongoregela Moše le Arone mo nageng.

Moše a re: “Go tlaa nna jaana, motlhang Jehofa o lo nayang nama maitseboa go e ja, le mo mosong dijo gore lo je lo kgore gonne Jehofa o utlwile dingongorego tsa lona tse lo di ngongoregang ka ga gagwe; mme rona re be re le eng? Dingongorego tsa lona ga se ka ga rona, fa e se ka ga Jehofa fela.”

“Ke utlwile dingongorego tsa bana ba Iseraele; bua nabo o re: ‘E tlaa re maitseboa lo tlaa ja nama, mo mosong lo tlaa kgora dijo, lo itse fa ke le Jehofa Modimo wa lona.’ ”