Popular Bible Verses from युहन्‌ना 6

Share

ईसु तीमने केदो, अमर जीवाय नो रोट्‌लो मेत से: अने जे मारीन्‌तां आवहे तीहयो कदी भुकलो नी रेय अने मार पोर भरहो करहे तीहयो तरहेलो नी रेय।

आत्‌मा ते जीवाय आपण्‌याण से, डील सी कंय फायदो नी हय, जे वात मे तमने केदलो से तीहयी आत्‌मा से, अने जीवाय बी से।

खत्‌तम हयण्‌या खाणान करते मेहनत ना करो, पण तीहया खाणान करते मेहनत करो, अने तीहयु खाणु अमर जीवाय जुगु जलमकु टेकलु रेहे, अने आसवु खाणु तमने मनख्‌या नो बेटो आपहे, काहाके बाह भगवान मनख्‌यान बेटा पोर सीलटप्‌पो लगाड़ देदलो से।

काहाके मारा बाह नी मरजी आहयी से के, जे कोय तीना बेटा ने देखे, अने तीनी पोर भरहो करे, ता तीनी पांह अमर जीवाय रेहे, तीने मे आखरी दाड़े मर्‌या-ह़र्‌या मे गेथो पासो जीवतो कर देही।

ईसु तीहया माणहु ने जपाप आप्‌यो, “भगवान ने गमे एवु काम आहयु से, के जीने भगवान मोकल्‌लो से, तीनी पोर भरहो करो।”

बाह जीने बी मने आप देहे, तीहया आखा मारीन्‌तां आवहे, अने मे तीमने मारीन्‌तां गेथो कदी नी नीकाळु।

सीमोन पतरस ईसु ने केदो, “ए मालीक, आमु कोयने तां जीया? अमर जीवाय आपण्‌या बोलु ते तारी पांह से।

ह़रगे गेथो उतरलो अमर जीवाय नो रोट्‌लो मेत से, कदी कोय आहयो रोट्‌लो खाहे, तीहयो जलम जीवत्‌लो रेहे। अने जे रोट्‌लो मे कळी नी जीवाय जुगु आपही, तीहयो रोट्‌लो मारु माह से।

कोय मारीन्‌तां नी आय सकत्‌लु, जत्‌यार लग बाह, जे मने मोकलो से, तीने हापकीन नी लावे, अने मे तीने आखरी दाड़े अळी जीवतो करही।

भगवान नो रोट्‌लो तीहयोत से, जे ह़रगे गेथो उतरीन मनख्‌या ने अमर जीवाय आपे।

अमर जीवाय नो रोट्‌लो मेत से।

तत्‌यार ईसु रोट्‌ला ने ली लेदो, अने भगवान ने जुगाळो कीन बह रेला माणहु ने वाट देदा, अने माछला बी तेमेत वाट देदा जेतरु तीमने जोवे तेतरु वाट देदा। जत्‌यार माणहु खायलीन आफरी ज्‌या ता ईसु आह़फा ना चेला ने केदो बचला रोट्‌ला ना टुकड़ा भेळा कर लेवो थोड़ुक बी बगड़वा नी जोवे।

जत्‌यार तीहया तीन च्‌यार मील जत र्‌या, ता तीहया ईसु ने दर्‌या पोर चालीन ढुंड्‌यु भणी आवतलो देख्‌या अने तीमने बीक लागी। पण ईसु तीमने केदो, बीहो ना मेत से।