Popular Bible Verses from युहन्‌ना 19

Share

जत्‌यार ईसु अंगुर नो कड़वलो रोह चाख्‌यो, ता केदो, “पुरु हय ज्‌यु।” अने आह़फा नु मुंडु हेटु वाळ लेदो, अने आह़फा नो जीव भगवान ने आप देदो।

अळतेण ईसु आहयु जाणीन के हाव आखु कंय पुरु हय ज्‌यु; आनी लेदे के चोखली सास्‌तर मे जे की मेल्‌यु तीहयु पुरु करवा केदो, “मे तरहेलो से।”

ईसु तां ह़रो आह़फा नी आह्‌य ने देख्‌यो, अने तीना चेला ने बी देख्‌यो जे ईसु नो लाडलो चेलो केवायतो हतो; ता तीहयो आह़फा नी आह्‌य ने केदो, “ओ बाय! आहयो तारो बेटो से।” तत्‌यार तीहया चेला ने केदो, “देख, आहयी तारी आय्‌ह से।” अने तीहयी टेमे तीहयो चेलो, तीने आह़फा ना घोर ली ज्‌यो।

पण अळतेण तीहया ईसु ह़ाते आवीन देख्‌या, ता तीमने मालम पड़्‌यु के तीहयो मर जेलो से। ता तीहया तीना पोगु नी भांग्‌या। बाखीन तीहया सीपायड़ा मे नु एक सीपायड़ु ईसु ना कुखे भालो गोप्‌यु, अने कुखे गेथु तत्‌यारु लोय अने पाणी नीकळ्‌यु।

आहयी वात आनीन करते हयी के चोखली सास्‌तर मे लीखली वात पुरी हये तीनु कानु बी हाटकु नी भांगे। ते बी सास्‌तर मे एक जागा मे आहयु लीखलु से, जे बी तीने खुटा ठोकला से, तीनी भणी भाळहे।

तत्‌यार तीहया ईसु ने ली ज्‌या, अने तीहयो आह़फा नु कुरुस उचलीन तीहया जागान्‌तां तक बारो ज्‌यो, जे “खोपड़ी नो जागो” अने ईब्‌रानी बोली मे “गुलगुता” केवाय।

अने सीपायड़ा कटाळस्‌या नु मुळ्‌यु गुथीन ईसु ना मुंडा पोर मेक देदा, अने जामण्‌यु डगलु पेराया।