Popular Bible Verses from युहन्‌ना 12

Share

कदी कोय मारु काम करवा हींडे, ता मारी पसळ चाले, अने जां मे रेही तांत मारो काम करन्‌यो बी रेहे, कदी कोय मारु काम करहे, ता मारो बाह तीनी ईज्‌जत करहे।

जे कोय आह़फा ना जीव ने जादा मोंग करे, तीहयो आह़फा ना जीव ने खोवहे; पण जे कोय आहयी कळी मे आह़फा नो जीव लग आपवा तीयार से, तीहयो आह़फा ना जीव ने अमर जीवाय जुगु बचाड़ लेहे।

मे तमने ह़ाची-ह़ाची की र्‌यो, जत्‌यार लग गम नो दाणो कादा मे पड़ीन नी मरे, तत्‌यार लग तीहयो एखलो रेय, पण तीहयो मर जाय ता तीहयो घण ढेरका दाणा पयदा करे।

मे कळी मे वीजाळु बणीन आवलो से; आनीन करते के जे मार पोर भरहो करे, तीहयो अंदारला मे नी रेवु जोवे।

कदी कोय मारी वात ह़मळे अने तीने पाळ्‌या नी करे, ता मे तीनो नीयाव नी करु; काहाके मे आहयी कळी मे गुनाळ्‌ळा ठेराव्‌वा नी आयो, पण तीमने छुटकारो आपवा करीन आवलो से।

तीहयी टेमे मरीयम आदो लीटर घणु मोगु ईत्‌तर लावीन ईसु ना पोगु पोर रेड़ देदी, अने आह़फी ना नीम्‌बाळा वेते तीना पोगु नुछी, अने ईत्‌तर नी ह़वादली गंद सी आखु घोर भराय ज्‌यु।

एतरे तीहया माणहु ताड़ ना डाळ्‌या लीन तीने भेटवा करीन बारथा ज्‌या, अने आड़वा बाज ज्‌या, “भगवान नी बड़ाय हये! जुगाळो से ईस्‌रायल नो राजा, जे भगवान ना नाम सी आवे।”

ईसु तीमने केदो, “टेम आय जेली से के माणेह ना बेटा नी बड़ाय हये।”