Popular Bible Verses from उबजणाय कीताप 3

Share

एतरे जत्‌यार बयर देखी के तीहया झाड़ नु फोळ खावा जुगु वारु से, अने देखवा मे मन गमता, अने अक्‌कल आपवा जुगु चाहवा लायक बी से, तत्‌यार तीहयी तीनु फोळ तोड़ी, अने तीने खादी, अने आह़फी ना लाडा ने बी आपी, अने तीहयो बी खादो।

यहोवा भगवान जेतरा जंगली जानवरु बणावलो हतो, तीमनी आखा मे गड़हो चलाक हतो; तीहयो बयर ने केदो, “ह़ु ह़ाचलीन भगवान केदलो से के तमु बगीचा ना काना बी झाड़ नो फोळ नी खाजो?”

अने मे तारा अने आहयी बयर ना वचमे, अने तारी अवल्‌यात अने आनी अवल्‌यात ना वचमे झगड़ो पयदा करही; तीहयो तारा मुंडा ने कचरी देहे, अने तु तीना पोग नी पाटली ने डसही।

अळी बयर ने भगवान केदो, “में तारी वेला अने तारा भारेपोगे हयवा ना दुख ने ढेरेत वदाड़ देही; तु मांदी हय्‌न सोरु पयदा करही; अने तारी मरजी तारा लाडा भणी हयहे, अने तीहयो तारी पोर हक करहे।”

अने आपणा पसीना ना रोट्‌ला खाया करही, अने आखरी मे कादा मे भेसकाय जही काहाके तु तीनी मे गेथो पयदा हयलो से; तु कादो ते से अने कादा मे पासो भेसकाय जही।”

अने आदम सी भगवान केदो, “तु जे आह़फा नी लाडी नी वात ह़मळ्‌यो, अने जे झाड़ ना फोळ ना बारा मे तमने मे हुकम आपलो हतो के तु तीने नी खाजे, तीने तु खादलो से एतरे धरती तारा कारण गरा वाळी से। तु तीनु अन जलम दुख ह़ाते खाया करही

“तीहयो केदो, कोय तने देखाड़्‌यु के तु नांगरलो से? जे झाड़ नु फोळ मे तने नी खावा करीन केदलो, ह़ु तु तीनु फोळ खादलो से?”

एतरे आदम ने भगवान नीकाळ देदो अने जीवाय ना झाड़ नी वाट नी रखवाळी करवा करीन अदन ना बगीचा नी उगवणी वखे करुबाम ने, अने च्‌यारो मेर फीरवा वाळी होळो-होळो धपत्‌ली तलवार ने टाळ्‌यो।

आदम आह़फा नी लाडी नु नाम हव्‌वा पाड़्‌यो; काहाके जेतरा माणेह जीवत्‌ला से तीहया आखा नी सुरु नी आह्‌य तीहयी हयी।