Popular Bible Verses from नेवताळा ना काम 11

Share

अने तीहयो ते साउल ने ह़ोदीन अंताकीया ह़ेर मे ली आयो, अने तीहया एक साल लग ईसु नी मंडळी ने भेटता र्‌या, अने ढेरेत माणहु ने ह़ीकाड़ता र्‌या, अने अंताकीया मे माणहु आखा ना पेले ईसु ना चेला ने मसी केवा बाज ज्‌या।

अने बरनाबास तां जाय्‌न भगवान नी दया देखीन घण-जबर खुस हयो; अने आखा ने रावण्‌या करीन ह़ीकाड़्‌यो, के तमु डील अने मन लगाड़ीन मालीक ईसु पोर भरहो करता रेवो। काहाके बरनाबास एक भलास्‌यो माणेह हतो; अने चोखली आत्‌मा तीनी मे पुरी भरायली हती अने ईसु पोर तीनो भरहो बी पक्‌को हतो। अने ढेरेत माणहु तीमनी ह़ाते भेसकाय ज्‌या।

भगवान तीमने तीहयुत ईलाम आप्‌यो जे आपणु ने मालीक ईसु मसी पोर भरहो कर्‌या करीन आप्‌यो; ता आमु कोय केवाय, जे भगवान ना काम ने रोकया?” आहयी वात ह़मळीन तीहया धीरा पड़ ज्‌या, अने तीहया भगवान ना गुण गावीन केवा बाज ज्‌या, “ता भगवान आड़जात्‌या ने बी अमर जीवाय आपवा करीन तीमने पाप भणी गेथा मन फीरवीन भगवान भणी वळवा नो वाटो आपलो से।”