Popular Bible Verses from ରମିୟ 6

Share

କାୟିତାକ୍‌ବଃଲେକ୍‌ ହାହାର୍‌ ବୁତି ମଃର୍ନ୍‌, ମଃତର୍‌ ଇସ୍ୱରାର୍‌ ଦଃୟାର୍‌ ଦାନ୍‌ ଅଃଉଁଲି, ମାପୁର୍ ଜିସୁ କ୍ରିସ୍ଟର୍‌ ସଃଙ୍ଗେ ରିଲେକ୍‌ ଅଃମ୍ବର୍‌ ଜିବନ୍ ।

ହାହ୍‌ ତୁମାର୍‌ ଉହ୍ରେ ରାଜ୍‌ ନଃକେର । ବଃଲେକ୍‌ ତୁମିମଃନ୍ ବିଦିର୍‌ ତଃଳେ ନାୟ୍‌, ମଃତର୍‌ ଇସ୍ୱରାର୍‌ ଦଃୟାର୍‌ ତଃଳେ ଆଚାସ୍‌ ।

ବଃଲେକ୍‌ ଅଃମିମଃନ୍‌ ବାପ୍ତିସମ୍‌ ତଃୟ୍‌ ମଃଲାକ୍‌ ତାର୍‌ ସଃଙ୍ଗ୍ ତହି ଅୟି ଆଚୁ, ଜଃନ୍‌କଃରି କ୍ରିସ୍ଟ ଉବାର୍‌ ଜଃଜ୍‌ମାନାର୍‌ ସଃକ୍ତିଏ ମଃଲା ଲକ୍‌ ତଃୟ୍‌ହୁଣି ଜୁୟି ହଃର୍କାରେ ଉଟ୍‌ଲା ଅଃମିମଃନ୍‌ ହେଁ ସେ ହଃର୍କାରେ ଜିବନାର୍‌ ନଃଉଆଁ ବାବେ ଚାଲାଚାଲ୍‌ତି କଃରୁଆଁ ।

ତୁମିମଃନ୍ ନିଜ୍‌ ନିଜ୍‌କେ କୁୟି ହଃର୍କାରେ ହେଁ ହାହାର୍‌ ଚଃମେ ସଃହ୍ରି ଅୟ୍‌କଃରି ଦୁସ୍ଟ୍‌ କାମାର୍‌ ଅଃସ୍ତର୍‌ ବାବେ କାମ୍‌ କଃରା ନାୟ୍‌ । ମଃତର୍‌ ମଃର୍ନେ ହୁଣି ରଃକ୍ୟା ହାୟ୍‌ଁ ଜିବନ୍ ହାୟ୍‌ରିଲାର୍‌ ଗିନେ ତୁମିମଃନ୍ ଦଃର୍ମ୍‌ କାମ୍‌ ସାଦୁନ୍‌ କଃର୍ତା ହାୟ୍‌ଁ ଅଃହ୍‌ଣା ଅଃହ୍‌ଣାକ୍‌ ଇସ୍ୱରାର୍‌ ତଃୟ୍‌ ସଃହ୍ରି ଦିଆସ୍‌ ।

ଅଃମିମଃନ୍‌ ଇରି ଜାଣିଆଚୁ, କ୍ରିସ୍ଟର୍‌ ସଃଙ୍ଗ୍ କ୍ରୁସ୍‌ ଉହ୍ରେ ଅଃମାର୍‌ ହଃର୍ନା ଜିବନ୍ ମଃରିଆଚେ, ସେତାର୍‌ ଗିନେ ହାହାର୍‌ ଗଃଗାଳ୍‌ ନାସ୍‌ ଅୟିଆଚେ ଆର୍‌ ଅଃମି ହାହ୍‌ ସେବାକାମେ ହୁଣି ମୁକ୍ତି ଅୟି ଆଚୁ ।

ସେ ହଃର୍କାରେ ତୁମିମଃନ୍ ହେଁ ଅଃହ୍‌ଣା ଅଃହ୍‌ଣାର୍‌ ହାହେ ମଃରି ଆଚୁ ବଃଲି ମଃନେକଃରା । ମଃତର୍‌ ତୁମିମଃନ୍ ଅଃବେ କ୍ରିସ୍ଟ ଜିସୁର୍‌ ଦଃୟି ଜିବନ୍‌ ହାୟ୍‌ଁ ଇସ୍ୱରାର୍‌ ସଃଙ୍ଗ୍ ମିସି ଆଚାସ୍‌ ।

ତଃବେ ଅଃମିମଃନ୍‌ କାୟ୍‌କଃରୁଆଁ ? ଦଃୟା ଜଃନ୍‌କଃରି ବୁତେକ୍‌ ଅୟ୍‌ଦ୍‌ ଇତାର୍‌ ଗିନେ କାୟି ହାହେ ରେଉଁଆ ? ସେରି କଃବେ ହେଁ ନଃଉଅ, ହାହେ ମଃରି ଆଚୁ ଜେ ଅଃମିମଃନ୍‌, ସେତି କଃନ୍‌କଃରି ଜିବନ୍‌ ରେଉଁଆ ?

ତୁମିମଃନ୍ ବାୟ୍‌ଦ୍‌ରେ ଜାଣି ଆଚାସ୍‌, ଜଦି ତୁମି କାର୍‌ ତଃଳ୍ୟା ଅୟ୍‌କଃରି ସେ ଲକାର୍‌ ହୁରା କଃତା ମାନାସ୍‌, ତଃବେ ତୁମି ସେଲକାର୍‌ ଗତିଦଃଙ୍ଗ୍‌ଳା । ଜଦି ହାହାର୍‌ ଗତିଦଃଙ୍ଗ୍‌ଳା ଅଃଉଆସ୍‌, ତଃବେ ମଃରାସ୍‌; ଜଦି ଇସ୍ୱରାର୍‌ ଦଃଙ୍ଗ୍‌ଳା ଅଃଉଆସ୍‌, ତଃବେ ତୁମାର୍‌ ଜିବନ୍ ବଚେଦ୍‌ ।

ମଃତର୍‌ ଇସ୍ୱର୍‌କେ ଦନ୍ୟବାଦ୍‌ ଦେଉଁଲେ ଜେ ତୁମିମଃନ୍ ହୁର୍ବେ ହାହାର୍‌ ଗତିଦଃଙ୍ଗ୍‌ଳା ରିଲାସ୍‌, ତୁମିମଃନ୍ ଅଃବେ ନିକ କବୁରାର୍‌ ସିକ୍ୟା ହାୟ୍‌ରିଲା, ସଃତ୍‌ ବିସୟ୍‌ ସଃବୁ ମଃନ୍‌ ହଃରାଣେ ମାନୁଲାସ୍‌ । ତୁମି ହାହେ ହୁଣି ମୁକ୍ଳିକଃରି ଦଃର୍ମାର୍‌ ଗତିଦଃଙ୍ଗ୍‌ଳା ଅୟି ଆଚାସ୍‌ ।