Popular Bible Verses from Isa 45

Share

Nîngaakûva indo cia vata irîa cigîtwe ndumarî; na ûtonga ûrîa ûrî kûndû gûtaicîkene, nîguo ûmenye atî nie nînie Ngai-Mûnene, Ngai wa Isiraeli ûrîa ûgwîtîte akîgwetaga rîîtwa rîaku.

Nie mwene nîngaagûtongoreria, ngîaraganagia irîma mbere yaku. Nîngaaunanga mîrango ya gîcango tûcunjî, na munange mîkîgo ya kuo ya cuuma.

“Nie nînie Ngai-Mûnene na gûtirî ngai îngî tiga nie. Nînie ngûmenyagîrîra, wana ethîrwa ndûmbîcî, nîguo andû kuuma îthûîro nginya îrathîro mamenye atî nînie Ngai-Mûnene, na gûtirî ngai îngî.

Nînie ndûmaga kûgîe ûtheri na ngatûma kûgîe nduma; nînie ndûmaga kûgîe thayû na ngatûma kûgîe thîna. Nînie Ngai-Mûnene ûrîa wîkaga maûndû mau monthe.

“Njokererani nîguo mûvonokue, andû a nthî yonthe! Nîûndû nie nînie Ngai na gûtirî wîngî.

Ngai-Mûnene arera Cairasi atîrî, “We wî mûthamaki ûrîa nthuurîte! Nîngwîkîrîte vinya nîguo ûvoote mavûrûri marîa marî mbere yaku; na kûvûrûra athamaki mavinya mao; nie nîngûkûvingûrîra ivingo cia îtûûra, na gûtirî kîvingo gîkaavingwa.

Nie nînîvîtîte ngîgwetaga rîîtwa rîakwa, maûndû marîa nîraria nî ma ma, na ndingîgarûrûkwa. Andû onthe nîmagaaturia maru mbere yakwa, na onthe mevîte atî makaanîvokaga.

Nîûndû wa ndungata yakwa Jakovu, na Isiraeli mûndû ûrîa nthurîte. Ngwîtîte na rîîtwa rîaku, ngûvete rîîtwa rîrî na îgweta wana ethîrwa ndûmbîcî.