Popular Bible Verses from Sav 139

Share

Nĩngũũtaĩa nũndũ nũmbĩtwe kwa nzĩa ya ũkĩwa na ya kũseng'ya; mawĩa maku nĩ ma kũseng'ya, nĩnĩsĩ ũu nesa.

Mbĩkuũe ame Mwĩai Ngai na ũimanya ngoo yakwa; ndate na ũimanya mosũanĩo makwa! Mantha kana ve ũthũku nthĩnĩ wakwa, na ũindongoeasya nzĩanĩ ya tene na tene.

Nĩwoombie mamutha makwa onthe, nĩwambũmbĩie ĩvunĩ ya mwaitũ.

Nĩwambonie ndanamba kũmbwa, mĩthenya ĩla nĩnengetwe yonthe yaandĩkĩtwe ĩvukunĩ yaku, o na vate ũmwe ũnamba kwĩthĩwa.

We Mwĩai Ngai nĩwĩnguũĩte na nũmbĩsĩ.

Ndonya kũthi va nĩ kana nume vala ve Veva waku? Ndonya kũkĩa ngathi va nĩ kana nume vala ũĩ?

Nĩwĩsĩ yĩla nĩilyĩ nthĩ na yĩla nĩũngyĩ; wĩ kũasa nũmanyaa mosũanĩo makwa.

O na ndambĩte kũneena ũndũ, we Mwĩai Ngai wĩthĩawa wĩsĩ vyũ kĩla ngũneena.

Nũmbonaa yĩla nĩendete kana yĩla nĩthũmũĩte; nĩwĩsĩ meko makwa onthe.