Popular Bible Verses from Sav 103

Share

We thayũ wakwa taĩa Mwĩai Ngai, na ndũkolwe nĩ moseo make onthe.

Nĩ we ũndekeaa mothũku makwa onthe, na kũvosya mowau makwa onthe. Nĩ we ũmbovoasya kuma kĩkw'ũnĩ, na kũmbenda na wendo ũtaolekaa, na kũmbĩw'ĩa tei. Nĩ we wĩanĩasya thayũ wakwa na syĩndũ nzeo, na kweũvya ũika wakwa ta wa ndiũ.

We thayũ yakwa taĩa Mwĩai Ngai, na kyonthe kĩla kĩ nthĩnĩ wakwa nĩkĩtaĩe ĩsyĩtwa yake ĩtheu.

O tondũ ĩthe wĩw'ĩaa syana syake tei, no w'o Mwĩai Ngai wĩw'ĩaa tei ala mamũkĩaa.

O tondũ wumĩlonĩ wa syũa wĩ vaasa na ũthũĩlonĩ wayo, no w'o Mwĩai Ngai ũvetaa naĩ sitũ kũasa naitũ.

Mwĩai Ngai e tei na nĩ mũseo, ndathataa mĩtũkĩ na ausũĩte wendo mwingĩ ũtaolekaa.

Ndatũkanasya kwĩanana na ũndũ twĩkĩte naĩ syĩana, o na ndatũĩvĩthasya kwĩanana na mavĩtyo maitũ. O tondũ matu me kũasa ĩũlũ wa nthĩ, no w'o wendo wake ũnenevete kwa ala mamũkĩaa.

Mwĩai Ngai nũlũlũmĩĩlye kĩvĩla kyake kya kĩ-ũsumbĩ ĩtunĩ; nĩ mũsumbĩ wa syĩndũ syonthe.