Popular Bible Verses from Mk 13

Share

Nenyu mũkamenwa nĩ andũ onthe nũndũ wakwa, ĩndĩ mũndũ ũla wĩũmĩĩsya kũvika mũminũkĩlyo akatangĩĩwa.

Ĩkalai mwĩsũvĩĩte, vamwe na kwĩyũmbany'a, nũndũ mũyĩsĩ ĩla ĩvinda yĩu yĩkavika.

Yĩla mwĩkwatwa na kũtwawa kotinĩ mũikaatinde mũithĩnĩka mwĩthi kwasya ata. Mwĩneena kĩla mwĩnengwa kavindanĩ o kau, nũndũ ndeto ila mũkaneena iikethĩwa syĩ syenyu; ikauma kwa Veva Mũtheu.

Ĩtu na nthĩ ikathela, ĩndĩ ndeto syakwa ikekala tene na tene.

“Vai mũndũ o na ũmwe wĩsĩ mũthenya kana saa wa mũminũkĩlyo. O na alaĩka ma ĩtunĩ vamwe na Mwana mayĩsĩ; no Asa e weka wĩsĩ mũthenya ũsu.

Yĩla mwĩĩw'a ituu sya makaũ na ngewa sya makaũ mokĩte mũikaamake. Maũndũ asu no nginya mekĩke, ĩndĩ maikethĩwa mayonany'a kana ĩvinda ya mũminũkĩlyo nĩ ĩviku.

Kwoou ĩkalai mwĩyũmbanĩtye, nũndũ mũyĩsĩ yĩla mwene wa mũsyĩ wĩũka. Nũtonya kũka wĩoo, kana ũtukũ katĩ, kana kũkilĩlye kũkya, kana syũa yĩyuma. Nũtonya kũka kwa kĩthũlũmũko na aimwĩthĩa mũkomete. Ũndũ ũsu ngũmũtavya inyw'ĩ, nĩtavya andũ onthe: Ĩkalai mwĩyũmbanĩtye!”

Nthĩ ĩkakwatya kaũ na ĩngĩ, na ũsumbĩ ũkavithũkĩa ũngĩ. Kũkeethĩwa itetemo sya nthĩ kũũ na kũũ, na kũkeethĩwa na mayũa. Maũndũ asu nĩmo makethĩwa wambĩlĩĩlyo wa thĩna, ta woo ũla wambaa kũkwata mũndũ mũka ĩvindanĩ ya kũsyaa.

Ĩndĩ mũminũkĩlyo ũtanoka, no nginya ũvoo mũseo wĩamba kũtavanw'a kwa andũ onthe.

Andũ aingĩ makooka na ĩsyĩtwa yakwa mayasya, ‘Ninyie Klĩsto,’ na makakenga andũ aingĩ.

“Inyw'ĩ nĩmwaĩlĩte kwĩsũvĩa nũndũ andũ makamũkwata na kũmũtwaa kotinĩ, na o na makamũvũĩa nyũmbanĩ sya Ayuti sya kũthaithĩa na kũmbanĩa. O ta ũu nũndũ wa kwĩthĩwa mwĩ aatĩĩi makwa, mũkatwawa mbee wa makavana na asumbĩ mwĩthĩwe ngũsĩ kwamo.

Kũkaumĩla andũ aingĩ mekwĩyĩta Klĩsto o vamwe na athani aingĩ ma ũvũngũ. Makeeka syama na maũndũ ma kũseng'ya nĩ kana masye andũ, o na ala anyuve ma Ngai ethĩwa ũu nũtonyeka.

“Ĩvindanĩ yĩu ĩtina wa mathĩna asu, syũa yĩkaya kĩvindu na mwei ndũkaumya kyeni. Ndata ikavalũkanga kuma matunĩ, na mavinya ma syĩndũ ila syĩ yayayanĩ makathingithangw'a.