Popular Bible Verses from Mat 19

Share

Yesũ nĩwamasyaisye na amea atĩĩ, “Kwa andũ ũndũ ũsu ndũtonyeka, ĩndĩ kwa Ngai vai ũndũ ũtatonyeka.”

Kwa kĩtumi kĩu, ti andũ elĩ ĩngĩ, ĩndĩ nĩ kĩndũ kĩmwe. Kwoou mũndũ o na wĩva ndakaataany'e ala Ngai ũkwatanĩtye.”

Yesũ amasũngĩa amea atĩĩ, “Inyw'ĩ no mwaasoma Maandĩkonĩ Matheu kana mwambĩlĩĩlyonĩ Ngai ayũmba andũ, oombie mũndũ-ũme na mũndũ mũka? Ngai nĩwaisye atĩĩ, ‘Kĩu nĩkyo kĩtumaa mũndũ-ũme auma kwa ĩthe na nyinyia, na kũlũmany'a na mũka wake, na elĩ makĩtw'ĩka kĩndũ kĩmwe.’

Yesũ nĩweeie amanyĩw'a make atĩĩ, “Ekanai na syana nini syũke vala nĩĩ, mũikaisiĩĩe, nũndũ ũsumbĩ wa ĩtu nĩ wa ala mailyĩ tasyo.”

Ĩndĩ aingĩ ala yu matongoetye makatongoew'a na aingĩ ala yu matongoew'e makatongosya.”

O ta ũu mũndũ o na wĩva ũla ũtiĩte mũsyĩ, kana ana-a-inyia, kana eĩtu-a-inyia, kana ĩthe, kana nyinyia, kana syana syake, kana ng'ũndũ yake kwondũ wakwa, akakwata kũndũ ĩana kwa kĩu ũtiĩte na aikwata thayũ ũtathela.

Yesũ amũsũngĩa amwĩa atĩĩ, “Ethĩwa nũkwenda wĩthĩwe wĩ mwĩanĩu, enda ũkathoosye syĩndũ syonthe ila wĩ nasyo na ũinenga ngya mbesa ila ũũkwata, naku ũkeethĩwa na ũthwii ĩtunĩ. Wamina kwĩka ũu, ũka ũngatĩĩe.”

Yesũ amũkũlya, “Ũtonya ata kũngũlya ĩũlũ wa ũndũ ũla mũseo? No Ngai e weka mũseo. Ethĩwa nũkwenda kũkwata thayũ ũtathela, kwata Mĩao ya Ngai.”

O ĩngĩ ekai nĩmũtavye, ũkeethĩwa wĩ ũndũ laisi kwa ngamĩle kũlikĩla kalimanĩ ka singano, kũte mũndũ mũthwii kũlika ũsumbĩnĩ wa Ngai.”

Nakwa ĩndĩ ekai nĩmũtavye, mũndũ ũla ũlũngasya mũka kwa kĩtumi kĩngĩ, eka kwondũ wa kũmanyana kĩ-mwĩĩ na aũme angĩ, na aitwaa mũndũ mũka ũngĩ, ethĩawa akĩlaalaa.”

Nĩvo ĩndĩ Yesũ weeie amanyĩw'a make atĩĩ, “Nĩmũtavya w'o, ũkeethĩwa wĩ ũndũ wĩ vinya mũno kwa mũndũ mũthwii kũlika ũsumbĩnĩ wa ĩtu.