Popular Bible Verses from Mat 13

Share

Nasyo mbeke ila syavalũkile mũthanganĩ mũseo, nĩ andũ ala mew'aa ndeto na kũmĩelewa. Nĩmethĩawa na ũsyao mũseo: Amwe kũndũ ĩana, angĩ kũndũ mĩongo thanthatũ, na angĩ kũndũ mĩongo ĩtatũ.”

Mbeke ila syavalũkile mĩw'anĩ nĩ andũ ala mew'aa ndeto, ĩndĩ kwĩmakĩa kwoo na kwenda ũthwii kũinyita ndeto ĩsu na mailea kwĩthĩwa na ũsyao.

Andũ ala mew'aa ndeto ĩũlũ wa ũsumbĩ wa Ngai ĩndĩ mailea kũelewa, mavw'ana mbeke ila syavalũkile nzĩanĩ. Ũla Mũthũku nĩwũkaa na kũvulya kĩla kĩvandĩtwe ngoonĩ syoo.

Nasyo mbeke ila syavalũkile mavianĩ, nĩ andũ ala mew'aa ĩla ndeto na maimyosa o mĩtũkĩ na ũtanu; ĩndĩ ti ndiku mathayũnĩ moo na ndĩkalaa ĩvinda ĩasa. Kwoou yĩla thĩna kana ũnyamao wooka nũndũ wa ĩla ndeto, o mĩtũkĩ nĩmekasya ngoo na kũmĩtia.

“Ũsumbĩ wa ĩtu no ũvw'ananw'e na mũndũ ũmwe ũla woonie kĩndũ kya thooa mũnene kĩvithĩtwe vandũ kĩthekanĩ. Nĩwakĩvithĩĩie, na e na ũtanu mũnene, athi athoosya syĩndũ syonthe ila waĩ nasyo, na athooa kĩtheka kĩu.

Ĩndĩ mbeke ingĩ nĩsyavalũkile mũthanganĩ mũseo na syasyaa ũsyao mwingĩ: Imwe mbeke ĩana, ingĩ mĩongo thanthatũ, na ingĩ mĩongo ĩtatũ.”

Ekai syelĩ syĩane vamwe nginya ĩvinda ya ngetha. Ĩvindanĩ yĩu, ngatavya akethi nĩmambe ũkũa ĩthaa, mayũmbe mavumbu na maiyĩvĩvya, na ĩndĩ mayũmbany'a nganũ mamĩkĩe ĩkũmbĩnĩ yakwa.’ ”