Popular Bible Verses from Ĩsa 65

Share

Ngeetĩkaa o na matanamba kũmbĩta, ngamasũngĩaa o na matanamba kũmina kũneena.

Mwĩai Ngai easya atĩĩ, “Yu nĩngũmba matu meũ na nthĩ nzaũ; maũndũ ma tene maikalilikanwa, o na maikoka mosũanĩonĩ ĩngĩ.

Maikathũkũma mana, kana kũsyaa syana sya kũkwatwa nĩ thĩna, nĩkwĩthĩwa mo nĩ ũsyao ũathimĩtwe ninyie Mwĩai Ngai, na nzyawa syoo o nasyo nĩ ngathime.

Maikaka na mũndũ ũngĩ aitũa vo, kana kũvanda na ũngĩ aiya. Nĩkwĩthĩwa andũ makwa makekala myaka mingĩ ta mĩtĩ, andũ makwa ala nĩnyuvĩte makatanĩa wĩa wa moko moo ĩvinda ĩasa.

Kũikethĩwa ĩngĩ ikw'ũ sya syana nini, andũ akũũ namo maikakw'a ĩvinda yoo yĩte ĩviku. Ũla wakw'a e na myaka ĩana, akatalawa ta wakw'a e wa mũika, na ũla wakw'a atavikĩtye myaka ĩana akatalawa ta mũumanĩe.

Nzũi na katena ka ĩlondu ikaya vamwe, mũnyambũ ũkaĩsaa nyeki ta ng'ombe, na nzoka ĩkaĩsaa mũthanga. Kĩĩmanĩ kyakwa kĩtheu, vaikethĩwa kũũmĩany'a kana kwĩkana naĩ. Nĩasya ũu nyie Mwĩai Ngai.”

Nakwa ngatana nũndũ wa Yelũsalemu, na ngeew'a mũyo nũndũ wa andũ makwa. Kũikew'ĩka ĩngĩ wasya wa kĩĩo ndũanĩ ĩsu, o na kũikew'ĩka ĩngĩ mũndũ ũkũkaya e thĩnanĩ.