Popular Bible Verses from Ĩsa 6

Share

Nĩvo ĩndĩ neewie Mwĩai aikũlya atĩĩ, “Ngatũma ũũ, na nũũ ũla wĩtw'ĩka mũtũmwa waitũ?” Nĩnasũngĩie nasya atĩĩ, “Ninyioo! Ndũme.”

Kĩla ũmwe aneenanasya na ũla ũngĩ ayasya atĩĩ, “Mũtheu, mũtheu, mũtheu, nĩ Mwĩai Ngai Mwene Ũtonyi W'onthe! Nthĩ yonthe yusũĩte ũtheu wake mũtisu.”

Nĩvo ĩndĩ nakwa naneenie nasya atĩĩ, “Kyeva nĩ kwakwa! Nyie nĩnathela, nĩkwĩthĩwa ilomo syakwa ti ntheu, na nĩkalaa katĩ wa andũ me na ilomo ite ntheu, na nĩnoona Mũsumbĩ, Mwĩai Ngai Mwene Ũtonyi W'onthe!”

Mwakanĩ ũla Mũsumbĩ Usia wakwie, nĩnoonie Mwĩai ekalĩte kĩvĩlanĩ kya ũsumbĩ kĩtũlu na kya ndaĩa. Ngũa yake ndaasa ya kĩ-ũsumbĩ yausũĩte Ĩkalũnĩ.

Nĩwangiitie ilomo nayo na ambĩa atĩĩ, “Ĩkaa yĩĩ nĩyakiita ilomo syaku nayu ĩvĩtyo yaku nĩyavetwa, na naĩ yaku nĩyaekewa.”

Ĩũlũ wake vaĩ aselavi. Kĩla ũmwe aĩ na nthwau thanthatũ; ilĩ ivw'ĩkĩte ũthyũ, ilĩ ikavw'ĩka mwĩĩ, na ilĩ sya kũũlũka nasyo.

Nĩvo ĩndĩ ũmwe wa ala aselavi waũlũkile ooka vala nĩĩ akwete ĩkaa yĩ mwaki, yĩla woosete kĩthembeonĩ na kĩndũ kya kũkwata makaa.

Nĩwaneenie nakwa ambĩa atĩĩ, “Enda ũkaneene na andũ aa ũmee atĩĩ, ‘Kwĩw'a nĩmũkwĩw'a ĩndĩ mũikũmanya; kũsisya nĩmũkũsisya, ĩndĩ mũikwona.’

Tuma ilĩko sya andũ aa syĩthĩwa ndumanu, na matũ moo methĩwa matekwĩw'a, na metho moo methĩwa matekwona, maikese kwona na metho moo, kana kwĩw'a na matũ moo, na mayĩelewa na ilĩko syoo, na mainzyokea na kũvow'a.”