Popular Bible Verses from Ĩsa 46

Share

Kuma mwambĩlĩĩlyonĩ nĩnatavanisye maũndũ ala makekĩka; kuma tene nĩnawetie maũndũ ala matanamba kwĩkĩka nasya, ‘Mũvango wakwa ũkeanĩa, na ngeanĩsya w'onthe ũla ngwenda.’ Nĩngwĩta nyũnyi ĩĩsaa nyama kuma wumĩlonĩ wa syũa; mũndũ wĩsĩ mũvango wakwa aume nthĩ yĩ kũasa. Nĩnaneena na nĩngũtuma ũndũ ũla naneena wĩkĩka; nĩnĩvangĩte na nĩngwĩanĩsya mũvango wakwa.

Ninyie Ngai wenyu, kũvika o na mwakũa na kũmesya mbuĩ. Nĩnamũmbie na ngamũsũvĩa; ngamũtetheesya na kũmũtangĩĩa.

Lilikanai maũndũ ala meekĩkie tene, nĩkwĩthĩwa ninyie Ngai, na vai ũngĩ, ninyie Ngai, na vai ũngĩ ũilyĩ takwa.

“Mbĩthukĩĩsyei inyw'ĩ nzyawa sya Yakovo, inyw'ĩ ũtialo wa andũ makwa Ĩsilaeli. Nyie nĩnĩmũsũvĩĩte kuma mwĩ ĩvunĩ ya inyia wenyu, na ngamũtongoesya kuma mwasyawa.