Popular Bible Verses from Ĩsa 1

Share

Mwĩai Ngai easya atĩĩ, “Ũkai yu tũsũanĩe vamwe, o na vala naĩ syenyu nĩ ndune mũno, mũkathew'a mwĩthĩwe mwĩ eũ ta ĩa; o na vala nĩ ndune ta nthakame, mũkeeũvw'a ta w'ĩa wa ĩlondu.

Ethĩwa nĩmũkwenda kũmbĩw'a, mũkaya mosyao maseo ma nthĩ ĩno

Ĩmanyĩsyei kwĩka ũla ũseo, atĩĩai sila wa katĩ, mũtethyei ũla ũthĩnaw'a, sũvĩai syana ndiwa, teteai mũndũ mũka ndiwa.”

ĩndĩ mwalea kũmbĩw'a na mũing'endea, mũkaminwa na ũvyũ. Nyie Mwĩai Ngai nĩnaneena.”

Thambai, ĩthesyei; vetangai ũthũku ũla mũkwĩka nĩeke kũwona! Ekai kwĩka ũthũku.

“Yĩla mwookĩlya moko mũvoye, ngavithaa ũthyũ wakwa ndikamwone; o na mwavoya mboya singĩvĩte ata, ndikamwĩthukĩĩsya, nĩkwĩthĩwa moko menyu mausũĩte nthakame.

Mũikandetee ĩngĩ nthembo syenyu sya mana; ũvani wenyu nĩ ũvuku kwakwa. Ndikwenda Mboka syenyu sya Kũtisa kwa Mwei, sya Savato na mbũmbano syenyu sya kĩ-ũthaithi; isu syonthe nĩsyanangĩtwe nĩ naĩ syenyu.

Ng'ombe nĩyĩsĩ mwene wayo, na ĩng'oi nĩyĩsĩ vala mũnene wayo ũyĩĩthĩasya, ĩndĩ andũ ma Ĩsilaeli mayĩsĩ kĩndũ o na kĩmwe, andũ makwa maikũmanya kĩndũ!”

Nĩnĩmenete Mboka syenyu sya Kũtisa kwa Mwei na ila ingĩ itw'ĩtwe. Itw'ĩkĩte mũio mũito kwakwa, nĩnĩnoetw'e nĩ kũsyũmĩĩsya.