Popular Bible Verses from 1Mav 28

Share

Ndeviti nĩwaneenie eea Solomoni, “Solomoni mwana wakwa, mũmanye Ngai wa ĩthe waku, na ũimũthũkũma na ngoo yaku yonthe na kĩlĩko kya kwenda, nũndũ Mwĩai Ngai nũsiasya kĩla ngoo na nũmanyaa mĩvango ĩla yĩ mosũanĩonĩ ma mũndũ. Wamũmantha ũkamwona, ĩndĩ wavĩndũka ũmũtie, akaekana naku ĩvinda yonthe yĩla yũkĩte.

O ta ũu Mũsumbĩ Ndeviti nĩwaneenie na Solomoni mwana wake amwĩa atĩĩ, “Ĩthĩwa na vinya na ũkũmbaũ. Ambĩĩa kũtethya wĩa ũsu na ndũkaeke kĩndũ o na kĩva kĩtume ũeka. Ndũkethĩwe na w'ĩa kana kũkw'a ngoo, nũndũ Mwĩai Ngai, Ngai wakwa e vamwe naku. Ndakakũtia ĩndĩ akekalaa naku nginya ũmine kũtethya wĩa ũla waĩlĩte kũtethw'a kwondũ wa Ĩkalũ yake.

No nginya ũmanye kana Mwĩai Ngai nũkũnyuvĩte wake Ĩkalũ yake ĩtheu. Ĩthĩwa na vinya na ũitethya wĩa ũsu.”