Popular Bible Verses from Alo 13

Share

Vandũ va ũu, ĩvw'ĩkei Mwĩai Yesũ Klĩsto, na mũyĩeka kũsũanĩa ĩũlũ wa ũndũ mũkwĩanĩsya mawendi ma mwĩĩ.

Mũikethĩwe mwĩ na thiĩ na mũndũ o na wĩva; thiĩ ũla mwaĩlĩte kwĩthĩwa naw'o no wa kwendana. Nũndũ mũndũ ũla wendaa mũndũ ũla ũngĩ ethĩawa eanĩsya mĩao.

Kĩla mũndũ aĩlĩte kwĩthĩwa e mwĩwi kwa ala me na ũkũmũ nthĩnĩ wa silikalĩ. Nũndũ ũkũmũ w'onthe wumaa kwa Ngai, na ala me na ũkũmũ methĩawa manengetwe nĩ Ngai.

Ũtukũ ũendee na kũthela na mũthenya ũkilĩlye kwambĩĩa. Tũekanei na maũndũ ma kĩvindu na tũyosa mĩio ya kaũ ya kyeni.

Ũla ũmwendaa mũtũi wake, ndamwĩkaa ũndũ mũthũku. Kwoou wendo nĩ wĩanĩĩsyo wa mĩao.

Kwoou ĩndĩ nengai kĩla ũmwe woo kĩla kĩmwaĩlĩte: Ethĩwa nĩ koti, mũĩvei koti; ethĩwa nĩ mũvothi, mumĩsyei mũvothi; ethĩwa nĩ kĩkĩo, mwony'ei kĩkĩo; ethĩwa nĩ ndaĩa, mũnengei ndaĩa.