Popular Bible Verses from 2Ako 4

Share

Nĩkwĩthĩwa metho maitũ mailũmĩte syĩndũnĩ ila syonekaa; malũmĩte syĩndũnĩ ila itonekaa. Syĩndũ ila syonekaa no sya kavinda, ĩndĩ ila itonekaa syĩkalaa tene na tene.

Kwoou tũikusaa ngoo. O na kau mĩĩ yaitũ ĩendeeaa na kũthela vinya o kavola kwa kavola, thayũ witũ ũendeeaa na kwongeleka vinya mũthenya kwa mũthenya. Tũthĩna tũũ tũnini twa kavinda tũthĩnaa, tũkatũetee ũkumyo mwingĩ ũtathimĩka wa tene na tene.

Nĩtũkwataa mathĩna kuma kĩla ngalĩko, ĩndĩ tũisindawa; nĩtũsaanĩaw'a twĩĩka ata, ĩndĩ tũyĩkasya ngoo. Nĩtũthĩnaw'a nĩ andũ, ĩndĩ Ngai ndatũtiaa; nĩtũkũnawa mũno, ĩndĩ tũyũaawa.

Ĩndĩ ithyĩ ala twĩ na ũthwii ũũ wa kĩ-veva, tũilyĩ o ta mĩio ya yũmba, kwonany'a kana ũtonyi ũũ mũnene ndumaa kwitũ, ĩndĩ wumaa kwa Ngai.

Maitonya kũĩkĩĩa nũndũ ĩla ngai ya nthĩ ĩno nĩyĩkĩĩte mbindu ilĩkonĩ syoo, nĩ kana maikone kyeni kya Ũvoo Mũseo ĩũlũ wa ũkumyo wa Klĩsto, ũla nĩwe wũmbo wa Ngai mwene.

Ngai ũla waisye, “Kyeni kĩkakena kuma kĩvindunĩ,” nowe ũkenetye kyeni kyake ngoonĩ sitũ, nĩ kana kĩtũnenge ũmanyi wa ũkumyo wa Ngai, ũla ũkenaa ũthyũnĩ wa Yesũ Klĩsto.