Popular Bible Verses from 2Ako 1

Share

Nakathwe Ngai, Ĩthe wa Mwĩai waitũ Yesũ Klĩsto, Asa wĩ tei na Ngai ũla ũnenganae ũkiakisyo w'onthe. Nĩwe ũtũkiakiasya ithyĩ mathĩnanĩ maitũ onthe, nĩ kana twĩthĩwe tũtonya kũkiakisya ala me thĩnanĩ o na wĩva, tũitũmĩa ũkiakisyo ũla ithyĩ tũkiakiĩtw'e naw'o nĩ Ngai.

Nĩkwĩthĩwa o tondũ twĩ mũamba na Klĩsto mathĩnanĩ make maingĩ, now'o tũkwataa ũkiakisyo wingĩvĩte kwĩsĩla kwa Klĩsto.

Kwa w'o tweewie ĩvinda yitũ ya kũkw'a ta ĩviku. Ĩndĩ ũu w'onthe weekĩkie nĩ kana tũikekwatye vinya witũ ene, ĩndĩ tũmwĩkwatye Ngai ũla ũthayũũkasya andũ kuma kwa akw'ũ.

Ĩndĩ Ngai mwene nĩwe ũtũlũlũmĩĩlasya ithyĩ vamwe nenyu nthĩnĩ wa Klĩsto Yesũ, na nowe ũtũvathĩte kwondũ wa ũthũkũmi wake, akatwĩkĩa ũvano wake na kũtũnenga Veva Mũtheu ngoonĩ sitũ, ta ngwatĩlĩĩlyo ya kĩla tũkakwata.

Yĩla tũũthĩna, twĩthĩna kwondũ wenyu mũkiakiw'e na kũtangĩĩwa, na yĩla tũũkiakiw'a nĩvo o nenyu mũkwataa ũkiakisyo, ũla ũtumaa mwĩthĩwa na wũmĩĩsyo wa kũmĩĩsya mathĩna o ala ithyĩ tũthĩnaa.