Popular Bible Verses from 1Ako 15

Share

Kwoou ĩndĩ mbaitũ endwa makwa, ũngamai na ũlũmu mũteũthingithw'a nĩ kĩndũ, na mũyĩnengane vyũ wĩanĩ wa Mwĩai mavinda onthe, mũimanya kana vai wĩa mũkatethya ũthũkũminĩ wa Mwĩai ũkaa mana.

Ĩndĩ nĩtũũmũtũngĩa Ngai mũvea, ũla ũtũnengae ũsindi kwĩsĩla kwa Mwĩai waitũ Yesũ Klĩsto.

Mũikakengeke: “Kĩtindo kĩthũku nĩkyanangaa mwĩkalo mũseo.”

Ĩndĩ Ngai kwa mumo wake nĩwandw'ĩkĩthisye kĩla yu nĩĩ, na mumo wake kwakwa ndwaĩ wa mana. Tũisianĩsya, nyie nĩtethetye wĩa mũno kwĩ atũmwa ala angĩ, o na kau ti inyie ndethetye, ĩndĩ nĩ mumo wa Ngai ũla nĩ naw'o.

“We kĩkw'ũ, ũĩva yu ũsindi waku? Kĩkw'ũ, ũĩva yu ũmoa waku?” Ũmoa wa kĩkw'ũ nĩ naĩ, nayo naĩ yumasya vinya wayo mĩaonĩ.

Kwa ĩthukĩĩsyei nĩmũtonyee nzama: Tũikakw'a ithyonthe, ĩndĩ ithyonthe tũkaalyũlwa kwa mĩtũkĩ vyũ, o ta ĩveny'a na ĩsalukya yĩla soo wa mũminũkĩlyo wĩvuvwa. Nĩkwĩthĩwa soo ũkavuvwa, na akw'ũ maithayũũkw'a matakakw'a ĩngĩ, na o ta ũu naitũ tũkaalyũlwa.

Nĩkwĩthĩwa o tondũ kĩkw'ũ kyookie kwĩsĩla mũndũnĩ o ũmwe, o ta ũu ũthayũũkyo nĩwookie kwĩsĩla mũndũnĩ o ũmwe. Nũndũ o ũndũ andũ onthe makusaa nũndũ wa ngwatanĩo yoo na Atamu, now'o onthe makathayũũkw'a nũndũ wa ngwatanĩo yoo na Klĩsto.

Nũndũ wũmbo ũũ wĩ na mwĩkalĩle wa kwoa, no nginya ũalyũlwe wĩthĩwe na mwĩkalĩle ũte wa kwoa, na wũmbo ũũ ũkusaa no nginya ũalyũlwe wĩthĩwe na wũmbo ũte wa kũkw'a.

Nĩkwĩthĩwa no nginya Klĩsto asumbĩke kũvika Ngai asinde amaitha onthe, na kũmaia ungu wa nyaĩĩ syake. Mũmaitha wa mũthya kwananga akeethĩwa kĩkw'ũ.