Popular Bible Verses from ALOMI 8

Share

Naitũ nĩtwĩsĩ maũndũ onthe mekaa vamwe na kũete moseo kwa ala mamwendaa Ngai, kwa ala meetiwe kwĩanana na kwenda kwake.

Nũndũ nĩnĩsĩ vyũ, kana kĩkw’ũ, o na thayũ, o na alaĩka, o na monene, o na maũndũ ma yu, o na ala makoka, o na mavinya, o na ũtũlu, o na ũliku, o na kĩla kyoombiwe kyonthe, kĩtitonya kũtũtaan’ya na wendo wa Ngai, ũla wĩ nthĩnĩ wa Klĩsto Yesũ Mwĩaĩi waitũ.

Na ĩngĩ o ta ũu ũla Veva nũtũtetheeasya wonzunĩ wĩtũ: nũndũ tũtyĩsĩ kũvoya tondũ twaĩlwe; ĩndĩ ũla Veva mwene nũtũvoyeaa na kũluma kũtaweteka

Twĩasya ata ĩndĩ maũndũnĩ asu? Ethĩwa Ngai e ngalĩ ĩla yaitũ, nũũ ũla ũtwĩka ũndũ?

Ĩndĩ yu, kwondũ wa ũu, kũi ũsilĩlo nongi ĩũlũ wa ala me nthĩnĩ wa Klĩsto Yesũ.

Nũndũ kũlilikana kwa mwĩĩ nĩ kĩkw’ũ; ĩndĩ kũlilikana kwa Veva nĩ thayũ na mũuo

Aiee, maũndũnĩ asu onthe nĩtũkĩlya vinya mũno kwondũ wa ũla watwendie.

Nũndũ nĩtalaa mathĩna ma ĩvinda yĩĩ matiaĩle kũvw’ananw’a na ũtheu mũtisu ũla tũkavuanĩw’a ithyĩ.

Nũũ ũla witũvathanasya na wendo wa Klĩsto? Nĩ monyamao, kana woo, kana thĩna, kana yũa, kana ndwĩkĩwa, kana mũisyo, kana ũvyũ?

nake ũla ũmanthaa ngoonĩ nĩwĩsĩ kwenda kwa Veva ũndũ kũilyĩ, nĩkwĩthĩwa avoyeaa atheu kwĩanana na kwenda kwa Ngai.

Nũndũ onthe ala matongoeaw’a nĩ Veva wa Ngai, asu nĩ o ana ma Ngai.

Nũndũ ala mavikĩlaa mwĩĩ malilikanaa maũndũ ma mwĩĩ; ĩndĩ ala mavikĩlaa Veva malilikanaa maũndũ ma Veva.

We ũla ũtaamwĩw’ĩa tei Mwana wake mwene, ĩndĩ amumisye kwondũ witũ ithyonthe, akaeka ata kũtũnenga mana syĩndũ syonthe nthĩnĩ wake?

Ũla Veva mwene akũsĩĩaa vamwe na maveva maitũ, kana ithyĩ twĩ syana sya Ngai: na ethĩwa twĩ syana, twĩ atiĩwa; atiĩwa ma Ngai na atiĩwa vamwe na Klĩsto; ethĩwa nĩw’o kana tũkanyamaaw’a vamwe nake, nĩ kana tũtonye naw’o kũtaĩwa vamwe nake.

nĩkwĩthĩwa kũlilikana kwa mwĩĩ nĩ ũmaitha na Ngai; nũndũ kũikwĩnyivya mĩaonĩ ya Ngai, o na ĩngĩ kũitonyeka

Nũndũ syũmbe syonthe isyaĩĩsyaa mũno ikyeteela ana ma Ngai monanw’e.

Nũndũ nĩtwĩsĩ kana syũmbe syonthe ilumaa na kwaũnyw’a nĩ woo vamwe kũvika o na yu.