Popular Bible Verses from ALOMI 6

Share

Nũndũ ĩtuvi ya naĩ nĩ kĩkw’ũ; ĩndĩ mũthĩnzĩo wa Ngai nĩ thayũ ũtathela nthĩnĩ wa Klĩsto Yesũ Mwĩaĩi waitũ.

Nũndũ naĩ ndĩkamũsumbĩka: nũndũ mũi ungu wa mĩao, ĩndĩ mwĩ ungu wa mumo.

Twathikiwe ĩndĩ vamwe nake na nzĩa ya ũvatiso nthĩnĩ wa kĩkw’ũ kyake: nĩ kana o tondũ Klĩsto wathayũũkiw’e kuma kwa akw’ũ nũndũ wa ndaĩa ya Ĩthe, naitũ no ta ũu tũkinyae na thayũ mweũ.

o na mũikanengane mamutha menyu kwĩka naĩ, methĩwe mĩio, ya ũte ũlũngalu; ĩndĩ ĩnenganei ene kwa Ngai, ta ala me thayu maumite kikw’ũnĩ, na mamutha menyu methĩwe mĩio ya ũlũngalu kwa Ngai.

twĩsĩ ũũ, kana mũndũ mũkũũ waitũ nĩwambiwe vamwe nake, nĩ kana mwĩĩ wa naĩ wanangwe, nĩ kana tũikekale ĩngĩ ũkombonĩ wa naĩ

O ta ũu nenyu ĩtalei ene kwĩthĩwa mwĩ akw’ũ kwa naĩ, ĩndĩ mwĩ thayũ kwa Ngai nthĩnĩ wa Klĩsto Yesũ.

Twĩasya ata ĩndĩ, Twĩkale naĩnĩ nĩ kana mumo wingĩve? Aiee, kũikethĩwe ũu. Ithyĩ ala twakwie kwa naĩ, tũkekala vo ĩngĩ ata?

Mũiĩsĩ, kana kwa ũla mwĩnenganĩte ene mwĩthĩwe ngombo syake sya kwĩw’a, mwĩ ngombo syake ũla mũmwĩw’aa; ethĩwa nĩ ũkombo wa naĩ ũetae kĩkw’ũ, kana ethĩwa nĩ ũkombo wa kwĩw’a ũetae ũlũngalu?

Ĩndĩ mũvea wĩthĩwe kwa Ngai, nũndũ, yĩla mwaĩ ngombo sya naĩ, nimweewie kuma ngoonĩ mũthemba wa momanyĩsyo asu ala mweekĩiwe nthĩnĩ wamo; na mũthaĩtw’e kuma nainĩ, mwatw’ĩka ngombo sya ũlũngalu.