Popular Bible Verses from Luka 1

Share

Nĩkwĩthĩwa kwa Ngai vai ũndũ ũtatonyeka.

Na Meli asya, Sisya, nyie nĩ ngombo ya Mwĩaĩi; nĩwĩthĩwe kwakwa o ta ndeto syaku. Na mũlaĩka amũtia athi.

Na mũlaĩka amũsũngĩa, amwĩa, Veva Mũtheu akooka ĩũlũ waku, na vinya wa Ũla Wĩ Ĩũlũ wa Onthe akakwĩkĩa muunyĩ: kwondũ wa ũu kĩla kĩtheu kĩsyawa kĩketawa Mwana wa Ngai.

Na kũathimwa nĩ ũsu ũla wetĩkĩlile; nũndũ maũndũ ala wataviw’e nĩ Mwĩaĩi makeanĩw’a.

Na sisya, ũkaitava, na ũkasyaa kana kavĩsĩ, na ũkaketa syĩtwa yako Yesũ. Nake akethĩwa e mũnene, na aketawa Mwana wa Ũla Wĩ Ĩũlũ wa Onthe: na Mwĩaĩi Ngai nũkamũnenga kĩvĩla kya ũsumbĩ kya ĩthe wake Ndaviti: nake nũkasumbĩka mbaĩ ya Yakovo tene na tene; na ũsumbĩ wake ndũkethĩwa na mũminũkĩlyo.

Na mũlaĩka amwĩa, Eka ũkĩa, Meli: nũndũ nĩwonew’e ũseo kwa Ngai.