Popular Bible Verses from TITO 1

Share

Igo bagoteba ng’a mbamomanyete Nyasae, korende ase ogokora kwabo bamokana. Nigo bare abagechigwa, abatari koigwera, na ase ayio tibakonyara gokora ogokora okuya konde gwonsi.

Ebinto bionsi nebichenu ase abwo bare abachenu, korende tikeri ekere egechenu ase abwo batachenegeti na abategeneti, ekiagera ebirengererio biabo na okomanya gwe chinkoro chiabo ime biabeire ebitachenegeti.

Ere nigo emogwenerete abwate ring’ana ri’ekeene buna riorokereretigwe, erinde anyare koremia abanto ase okworokereria kw’obogima, na koebereria abakoengererania nere.

Naki omotang’ani bw’ekanisa nemogwenerete abe omonto otari ne chingencho chimbe, ekiagera ere nomoteneneri bw’ebire ebia Nyasae. Ere taba omonto okwegwenera ere omonyene, gose omwango bw’okobea, gose oyonarete edivai, gose omonto bwanchete goaka abanto, gose gwancha okonyora kw’oborianania, korende abe omoroisia abageni, omwanchi amaya, oyobwerendete ase onsi, omoronge, omochenu, na oyomanyete kwerita ase onsi.

Omonto orachorwe onye okonyorekana ng’a tari ne chingencho chimbe, onye ore nomokungu oyomo, na ore nabana begenete, batari gosoerwa ng’a nabanyaka bare, gose abatari koigwera.