1
ABARUMI 12:2
EBIBILIA ENCHENU
EKEGUSIIBBLE
Gose timwereng’ania ne chingencho chi’ense eye; korende moonchorwe, mokorwe koba abayia ase emioyo yaino, monyare korigia na komanya boronge ogwancha kwa Nyasae, na erire rigiya, na eriranchwe, na oboikeranu.
Compare
Explore ABARUMI 12:2
2
ABARUMI 12:1
Gaki baminto, nabasoroire mono ase amabera a Nyasae, morue emebere yaino ebe ekeng’wanso kere moyo, egechenu, ekeranyare gwanchwa na Nyasae, nakio ogosasima kwaino gw’ekeene.
Explore ABARUMI 12:1
3
ABARUMI 12:12
Mogoke ase ogosemeria, moremererie ase emechando, mogenderere nogosaba.
Explore ABARUMI 12:12
4
ABARUMI 12:21
Tobugwa nobobe, korende obue obobe ase obuya.
Explore ABARUMI 12:21
5
ABARUMI 12:10
Obwanchani bw’obomino bobe ase egati yaino; mobe abe ritang’ani kworokia abamino amasikani.
Explore ABARUMI 12:10
6
ABARUMI 12:9
Obwanchani bobe botari nobong’ainereria. Gecha erire riibe, bwatana nerire rigiya.
Explore ABARUMI 12:9
7
ABARUMI 12:18
Keranyarekane ase ensemo yaino, mobe nomorembe nabanto bonsi.
Explore ABARUMI 12:18
8
ABARUMI 12:19
Abanchwa, timorigia kweruseria egesiomba, tiga ribaga ase endamwamu ya Nyasae, ekiagera nerikire, “Omonene otebire: Egesiomba nekiane; inche ning’akane.”
Explore ABARUMI 12:19
9
ABARUMI 12:11
Ase omokia oino timoba aboro; mobe nomoika ogwoka, mogokorera Omonene.
Explore ABARUMI 12:11
10
ABARUMI 12:3
Naki ase obuya naetwe nigo ngotebia kera omonto oyore asemore, tabaisa kweenenia ere omonyene ase ebirengererio biaye kobua buna emogwenerete korengereria; korende abe nebirengererio ebironge koreng’ana buna Nyasae aeire kera omonto ekerengo gi’okwegena.
Explore ABARUMI 12:3
11
ABARUMI 12:17
Timoakana omonto obobe ase obobe, tang’ania ayere amaya ase amasio ’abanto bonsi.
Explore ABARUMI 12:17
12
ABARUMI 12:16
Mobe nomoyo oyomo inwe ase inwe. Timorengereria ayare amanene, korende mosange nabare noboitongo. Timoba abanto bakoenenera obong’aini.
Explore ABARUMI 12:16
13
ABARUMI 12:20
Naboigo, “Omobisa oo karabe nenchara, moragerie, karabe nerang’o, moe anywe, ekiagera korakore ayio, nomobekere amakara ’omorero ase omotwe oye.”
Explore ABARUMI 12:20
14
ABARUMI 12:14-15
Mosesenie abwo bakobachanda; basesenie, timobaragereria. Goka amo nabwo bakogoka; rera amo nabwo bakorera.
Explore ABARUMI 12:14-15
15
ABARUMI 12:13
Mobe ang’e gokonya abachenu ase okoremerwa kwabo, mobe abanyamokia ase okoroisia abageni.
Explore ABARUMI 12:13
16
ABARUMI 12:4-5
Naki buna ase omobere tore nebiimo ebinge, na birobio tibiri gokora omoremo oyomo; naboigo naintwe, nonya tore abange, nigo tore omobere oyomo ase Kristo, na intwe twensi nigo tore buna ebiimo kera oyomo ase oyomwabo.
Explore ABARUMI 12:4-5
Home
Bible
Plans
Videos