Popular Bible Verses from ABARUMI 1

Share

Naki tinkororera enchili obosooku, ekiagera ero nokobua kwa Nyasae gokorenta ogotooreka ase onde bwensi oyoregene, ritang’ani ase Omoyahudi, na ase Omogiriki boigo.

Ekiagera ime yaye oboronge bokorwa ase Nyasae bwaorokigwe korwa okwegena goika okwegena, buna erikire, “Omonyene oboronge nabe moyo ase okwegena.”

Naki chingencho chiaye, echi chitari kororekana, engencho yaye okobua kwaye gwa kare na kare, na obonyasae bwaye, nchimanyekanete korwa ase ogotongwa gw’ense ase ebinto atongete. Ase igo tibari naya bagotaamera.

Naki nonya bamanyete Nyasae, tibamosigete buna Nyasae, gose komoakera ng’a mbuya mono; korende ebirengererio biabo bikaba bosa, na emioyo yabo y’oboriri ekabekwa omosunte.

ekiagera batigete ekeene kia Nyasae, bagachora oborimo, bagasasima na gokorera ebitongwa ribaga ri’Omotongi, oyorabakwe kare na kare! Amina.

Naki endamwamu ya Nyasae yaorokigwe korwa igoro, igoro ase ogotamoiroka Nyasae gwonsi na obobe bwa mwanyabanto, abagotanga ekeene nobobe bwabo.

Ase engencho eyio Nyasae akabatiga batunyane okogania kwabo kw’obosooku, goika abakungu babo bakaonchoreria okomenyana kw’omobere kwa boronge ase oko gotari kwa boronge. Na abasacha boigo bagatiga okomenyana nabakungu kwa boronge, bagasambwa ase okorigania abasacha ase abasacha, bagakora ogokora kw’obosooku, bakanyora abanyene ogoakanwa kwa boronge kw’ogosaria kwabo. Ekiagera batabarete ng’a ngento komomanya Nyasae, Nyasae akabatiga ase ebirengererio bie chingencho chiabo chimbe, bakore ayatagwenereti.

Bagateba ng’a mbare nobong’aini, korende bakaririeka. Bakaonchoreria obonene bwa Nyasae, oyotari nogosareka, ase omogwekano bw’ekieni kia mwanyabanto oyore nogosareka, na obwe chinyoni, na obwe ching’iti chire namagoro ane, na obwe ching’iti chikwagura.