Popular Bible Verses from ZABURI 63

Share

Aye Nyasae, Nyasae one, naye ngotang’ana korigia. Omoyo one nigo ore nerang’o asore, na omobere one nigo okoganetie, ase ense y’eguru‐gura enyomo pa etari namache.

Obwanchani bwao bogendererete botambe nigo bore obuya kobua obogima, ase ayio nimbe nkogotogia nomonwa one.

Nimbe nkona‐kogotogia ase obogima bwane bwonsi, ase erieta riao nindambore amaboko aane gochia igoro.

Nabeire ngokorigia ase Obomenyo Obochenu, erinde ndore okobua kwao na obonene bwao.

Aye kwabeire ogokonyeka kwane, na inse y’ekiriri gie chimbaba chiao nintere nomogoko. Omoyo one nokobwaterere mono, ekiagera aye nonsiirete nokoboko kwao gw’okorio.

Ekero indaire ase oborere bwane, nigo nkoba nkorengereretie, ase obotuko obogima ebirengererio biane nigo bikona‐gokoiranerera.