Popular Bible Verses from YOSHUA 10

Share

Erio erioba rigatenena rigakira‐kiri, na omotienyi boigo, goika abanto bakeruseria egesiomba ase ababisa babo. Aya nigo arikire ase “Ebuku y’oyore omoronge.” Erioba rigatenena rigakira‐kiri aaria igoro gati‐gati kegima, ang’e rituko rigima, na tiriaayerera kogwa.

Ase rituko riria Omonene abegete Abaamori ase amaboko ’Abaisraeli, Yoshua agakwana n’Omonene. Ekero Abaisraeli bategererete, akabora, “Aye erioba, tenena, okire‐kiri igoro ya Gibeoni, naye omotienyi boigo, igoro ye Rikura ri’Ayaloni!”

Ituko rinde tiriana koba buna erio nonya ng’ake, ritang’ani ri’ayio, gose nyuma y’ayio, ekero Omonene aigwerete mwanyabanto. Nyasae nigo arwanererete Abaisraeli.

Omonene agatebia Yoshua, “Tobairoka, nabekire abanto aba ase okoboko kwao, onde tari oranyare gokobua.”

Naende Yoshua agatebia abatang’ani baria b’abarwani, “Timoiroka, timokwa emioyo; mobe noboremu na gotenena bokong’u, ekiagera naboigo Omonene arakore ababisa bonsi morarwanie.”