Popular Bible Verses from ABAGAMBI 16

Share

Erio akarangeria, “Samison! Abafilisti aba bachire gokobwata!” Samison akaboka korwa ase chitoro chiaye, akarengereria ng’a “Bono ninyesibore buna botambe, ngende,” ekiagera tamanyete ng’a Omonene omotigire.

Erio Samison akarangeria Omonene, akabora, “Omonene Nyasae, nagosabire, ong’inyore, ong’e chinguru ase engaki eye yoka. Aye Nyasae, erio inyeruserie egesiomba ase amaiso aane abere igoro y’Abafilisti!”

Ase igo omoerio akamotebia obobisi bwaye bwonsi, akabora, “Onde tana gokigita etukia y’omotwe one, ekiagera inche nigo naatananetwe ase Nyasae buna Omwerwa oye korwa ase enda ya baba. Inse gokigitwa etukia y’omotwe one, chinguru chiane nigo chirarue asende, naende imbe omworo, na imbe buna monto onde bwensi.”

Na ekero omokungu oria arenge kona‐komoboraboria amang’ana ayio rituko ase rituko, Samison akarosa kegima, goika akerusia moyo.

Erio agateba, “Tiga nkwe amo n’Abafilisti aba.” Naende agekumba ne chinguru chiaye chionsi, na enyomba eria ekagwera abatang’ani b’Abafilisti amo nabanto bande bonsi abarengeo. Abanto baria Samison aitete ekero akwete omonyene nigo barenge abange kobua baria bonsi abaitete ekero arenge moyo.