Popular Bible Verses from YAKOBO 3

Share

Korende obong’aini bokorwa igoro ritang’ani nigo bore obochenu, naende obw’omorembe, na obwororo, na obokanyeku. Igo boichire namabera na okwama okuya, botari na gosiereria gose na bong’ainereria.

Ning’o asemore ore omong’aini na omomanyi? Ere aorokie ogokora kwaye ase orogendo rwaye oruya, ase obwororo bokorwa ase obong’aini.

Okwama kw’oboronge nigo kogosimekwa ase omorembe na baria bagokora omorembe.

ekiagera agwo ase ribero rire, na okweancha, agwo moroberio toiyo, korende kera ogokora okobe.

Ase orwo twatogia Omonene Tata, na ase orwo twaragereria mwanyabanto abatongetwe ase omogwekano o Nyasae. Omonwa oria oria orua ogosesenia na okoragereria. Abaminto, amang’ana aya tagwenereti koba bo.

Oromeme narwo omorero, na ense y’obobe. Ase ebiimo biaito bionsi oromeme narwo rokobeka omobere bwonsi ebimoa, na gotongia omorero egesingo ki’obogima bwaito, na orwo oronyene nigo rwatongetwe nomorero o kare na kare.

Korende oromeme, onde tari ase mwanyabanto oranyare korotuga. Rororwo nobobe, rotari kogamberwa, roichire nobosongo bokorenta amakweri.

Abaminto, tegwenereti abange asemore babe aborokia, ekiagera momanyete ng’a intwe aborokia inatogambigwe ekina egekong’u kobua.