Popular Bible Verses from OMORANDIA 7

Share

Tobaisa koba omwango ase okogechigwa, ekiagera okogechigwa nigo komenyete ase chinkoro chi’abariri.

Ekero amatuko ao are amaya kabe nomogoko, na ekero are amabe rengereria ng’a Nyasae nere okorire ayio onsi abere, erinde omonto tabaisa komanya erirache komobwatia korwa nyuma yaye.

Omoerio bw’egento nigo ore omuya kobua omochakano oye; na omonto omoremereria nigo are omuya koba omonto omoenenu.

Ekeene, omonto tari aiga ase ense ore omoronge ogokora amaya otari gokora ebibe.

Obong’aini nigo bogotokonya buna chibesa chigotokonya, korende obuya bw’omonyasemi mboria ng’a obong’aini nigo bokorenda obogima bw’oyio ong’ainiire.

Erieta rigiya nigo ribuete amaguta amaya akweakwa, ne rituko ri’ogokwa nigo rire rigiya kobua eri’okoiborwa.

Mbuya omonto gotegerera ogotogonyerwa kw’omonto omong’aini kobua gotegerera ogotera kw’abariri.

Mbuya kogenda ase enyomba y’ebirero kobua kogenda ase enyomba y’omoyega bw’okwegokia, ekiagera oyio noro omoerio o kera omonto, na abare moyo mbabeke amang’ana aya ase chinkoro chiabo.

Chinkoro chi’abanto abang’aini nigo chikoba ase enyomba y’ebirero, korende chinkoro chi’abariri nigo chire ase enyomba y’okwegokia.