Popular Bible Verses from OMORANDIA 5

Share

Tobaisa koba omwango ase ogokwana amang’ana, gose enkoro yao teba enyango gokwana ase obosio bwa Nyasae, ekiagera ere nigo are igoro, naye nigo ore inse aa ase ense; ase ayio tiga amang’ana ogokwana abe amake.

Onye Nyasae oeire omonto obotenenku ne chinibo, naende omoeire okobua gw’okwegokia ase ebinto ebio na kobikorera ase obuya bwaye, boigo koba nomogoko ase emeremo yaye, ayio onsi nigo are ebiegwa bia Nyasae.

Omonto bwanchete chibesa, tagoisaneka nachirochio; gose oyobwanchete obotenenku, tagoisaneka nebitoki biaye. Ayio boigo mbosa.

Orende amagoro ao ekero ogosoa ase enyomba ya Nyasae; mbuya kogenda aroro ase ogotegerera kobua korua ebing’wanso ebi abariri bakorua, ekiagera abwo tibamanyeti ng’a nigo bagokora ebibe.

Ekero kwarire eira ase Nyasae, tobaisa gotebana koyeikerania, ekiagera ere tari kogokigwa nabanto abariri. Ikerania eira kwariete.

Mbuya toria eira kobua koria eira na toyeikerania.

Chitoro chi’omokori emeremo nigo chire chingiya mono, neba ng’a nigo abwate egento egeke akoria, gose ebinge; korende obotenenku bw’omonto omonda tibokomotiga arare chitoro.

Buna aiboretwe ore getirianda korwa ase enda ya ng’ina, naboigo aragende ore getirianda buna achete, gose takoira kende ase ebio echandeire mono kobinyora.