Popular Bible Verses from DANIELI 6

Share

Ekero Danieli amanyete ng’a amariko e richiko riria abekirwe ekemanyererio, akagenda nyomba mwaye, akariina gochia ase akanyomba ka irongo ase chitirisa chiaigoire kororia Yerusalemu, akaba ogotung’ama ara gatato ase kera rituko, akaba ogosaba na goakera Nyasae oye ng’a mbuya mono, buna anarete botambe.

Nyasae one natomete omomalaika oye, agasieka emenwa ye chindo, na chirochio tichiankorerete bobe bonde, ekiagera nigo nanyorekanete ng’a tindi na komocha ase obosio bwaye; naboigo nase obosio bwao, aye omoruoti, tinkoreti komocha konde.”

Bono narure ogochika ng’a abanto bonsi bare ase oboruoti bwane baiguswe na koiroka ase obosio bwa Nyasae o Danieli.” “Ere nere Nyasae ore moyo, nigo areo goika kare na kare; oboruoti bwaye tibogosirigwa nonya ng’ake, na okogamba kwaye nkogenderere gotari nomoerio. Ere nigo agokonya na gotooria, nigo agokora ebikone na amakumia igoro na ase ense; ere otooririe Danieli korwa ase chinguru chie chindo.”

Erio omoruoti akarua ogochika ng’a Danieli arentwe. Danieli akarentwa, akarutwa ase engoro ye chindo. Omoruoti agatebia Danieli, “Nyasae oo, oria ogokorera botambe nagotoorie.”