Popular Bible Verses from DANIELI 12

Share

Abwo bare abang’aini mbabe bakomeka‐meka buna amasase a igoro, na abwo baonchorete abange bakanyora oboronge mbameka‐meke buna ching’enang’eni goika kare na kare.

Abange b’abwo baraire ase riroba ime mbaboke, abande banyore obogima bwa kare na kare, na abande banyore obosooku na ogochaywa gwa kare na kare.

“Ase engaki eyio Mikaeli, omogambi oria omonene naoroke, atenenere abanto bao. Erio nebe engaki y’emechando emenene mono, eye etana koba rinde korwa ekero egesaku kia mwanyabanto giachagete kobao goika ase engaki eyio. Korende ase engaki eyio, abanto bao mbatoorigwe, kera oyomo oyo erieta riave riranyorekane ririkire ase ebuku eria.

Abanto abange mbacheneke na koraba, babe basibekire, korende abakori amabe mbagenderere gokora amabe, onde tagotoka ase abakori amabe orabe nokomanya, korende abare nobong’aini mbamanye.