Popular Bible Verses from PETERO 3

Share

Tiga Omonene Kristo acheneke ase chinkoro chiaino ime. Botambe mobe ang’e koiraneria kera omonto oyokobaboria amang’ana ’ogosemeria okore ime yaino, korende kora ayio ase obwororo na ase okoiroka. Na inwe renda chinkoro chiaino tichibagambia, erinde ekero mogokwanwa bobe, abwo bakobarama ase orogendo rwaino oruya ase Kristo, basookigwe.

Naki amaiso ’Omonene nigo arigereretie abanyene oboronge, na amato aye nigo akoigwa ogosaba kwabo. Korende obosio bw’Omonene nigo bore igoro ase abwo bagokora amabe.”

Ogwechabera kwaino tikoba ogwa isiko ase okomina chitukia, na kobeka ebigera bie chitahabu, gose chianga chinterere, korende kobe ogw’enkoro y’omonto o ime otari kororekana, ogwechabera okwo gotari gosareka, ase omoika bw’obwororo na obokanyeku. Oko nakwo kore kwe rigori rinene ase obosio bwa Nyasae.

Naki nigo erikire “Oyorigetie gwancha obogima na korora amatuko amaya, tiga atange oromeme rwaye tirokwana amabe, na ebikoba biaye tibikwana obong’ainereria. Tiga atige amabe, akore amaya, arigie omorembe na koyotunyana mono.

Ring’ana ri’omoerio neri: Mobe nomoyo oyomo, mobogoreranie, mwanchane buna abamino, mororerane amabeebe, mobe nomoyo bw’obokanyeku. Timoakanana amabe ase amabe, gose okorama ase okorama, korende ribaga ri’ayio mobe abamogosesenania, ekiagera ayio naro mwarangererigwe, ng’a monyore omwando bw’ogosesenigwa.

Ning’o orabakorere amabe, komorabe nomokia ase ayare amaya?

Tiga atige amabe, akore amaya, arigie omorembe na koyotunyana mono.

Naki mbuya gochandwa ase ogokora amaya kobua gochandwa ase ogokora amabe, onye gokoba ogwancha kwa Nyasae.