Popular Bible Verses from Mat 24

Share

Na nîûndû waganu nîûkethîrwa wongererekete mûno, andû eengî nîmagaatiga kwenda arîa engî. Nwatî mûndû wa wonthe ûkaaûmîrîria nginya mûthiia nîakaavonokua.

Naguo Ûvoro Mwaro wîgiî Ûthamaki wa Ngai nîûkavunjua nthî yonthe wî ta ûira kûrî andû onthe, na vuva wa ûguo îthirîro rîcoke rîkinye.

Mue nîmûkegua mûrurumo wa mbaara vakuvî na mue, na wa mbaara îrîa îrî kûraca, nwatî mûtikavavûke. Maûndû ta mama nwa nginya mekîke, nwatî ûcio tîguo mûthiia wa nthî.

Mavûrûri nîmakaarûa, namo mothamaki mathithûkanîre. Nîgûkaagîa na yûra kûndû kwîngî na kûgîe na ithingithia. Maûndû mama monthe nîta Kîammbîrîria Kîam ûrûrû ûrîa mûndûmûka egucaga akîgîa na mwana.

Îgûrû na nthî nîikaathira, nwatî ciugo ciakwa itikaathira.

Nîûndû andû eengî nîmagaaûka makiugaga atîrî, ‘Nie nînie Mesaya,’ na nîmakaavîtithia andû eengî.

“Na mue nîmûgaacoka mûnyitwe na mûnenganîrwe kûrî andû nîguo mamûverithie na mamûûrage. Nao andû onthe a nthî nîmakaamûmena nîûndû wakwa. Vîndî îo andû eengî nîmagaatiganîria wîtîkio wao; nîmagaacukananîra na mathûrane o ene. Arathi eengî a maveeni nîmagaacoka meyumîrie na mavîtithie andû eengî.

Nake Jesû nîwamacokerie atîrî, “Îîmenyagîrîreni mûtikavîtithue nî mûndû wana ûrîkû.

Kwoguo mue wa namue nwa nginya mwîkarage mwîvarîrîtie vîndî cionthe, nîûndû Mûrû wa Mûndû agaûka îthaa rîrîa mûkeethîrwa mûtamwîrîgîrîrîte.

“Kwoguo îîmenyagîrîreni nîûndû mûtiîcî mûthenya ûrîa Mwathani agaaûka.

“Gûtirî mûndû wîcî rîrîa mûthenya ûcio na îthaa rîu rîgaakinya. Araika arîa marî îgûrû wana nginya mûriû matiîcî. Vava tu nîke wîcî.

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Rîrîa Mûrû wa Mûndû agaaûka, gûkeethîrwa gwîkariî wata ûrîa gwekariî vîndî ya Noa. Nîûndû vîndî îo mbere ya nthî îkunîkîrwa nî manjî, andû nîmaarîcaga na makanyua. Arûme nîmaavikanagia nao aka makavikua, nginya mûthenya ûrîa Noa aatonyire thavinarî. Nwatî o matiamenyaga ûrîa gwekîkaga nginya mûthenya ûrîa maaûrîîre manjîrî onthe. Ûguo nîguo gûkeethîrwa gwîkariî vîndî îrîa Mûrû wa Mûndû agaaûka.