Popular Bible Verses from Mat 13

Share

Nacio mbeû irîa ciagwîre mûtheturî ûrîa warî mûnoru, ivananîtue na andû arîa megucaga ndûmîrîri îo na magataûkîrwa nîyo. Kûrî andû amwe nîiciaraga maita îgana rîmwe, kûrî engî maita mîrongo îtandatû na kûrî engî maita mîrongo îthatû.”

Nacio mbeû irîa ciagwîre mîguarî, ivananîtue na andû arîa megucaga ndûmîrîri îo, nwatî mîtangîko ya gûkû nthî, na kwenda ûtonga, nîîthararagia ndûmîrîri îo nginya magatura maciaro.

Andû arîa megucaga ndûmîrîri îgiî Ûthamaki nwatî makarega gûtaûkîrwa, mekariî ta mbeû irîa ciagwîre gacîrarî. Ûrîa Mûcûku nîaûkaga na akamacuna kîrîa kîravandîtwe ngororî ciao.

Nacio mbeû irîa ciagwîre rûciararî ivananîtue na andû arîa megucaga ndûmîrîri îo na makamîamûkîra wa rîmwe macanjamûkîte, nwatî matiîthagîrwa marî na mîri na nîmamîamûkagîra kwa îvinda înini. Nao mambîrîria kûthînua na kûnyamarua nîûndû wa ndûmîrîri îo, nîmamîtiganagîria wa rîmwe.

“Ûthamaki wa îgûrû wîkariî ta mûthithû ûthithîtwe mûgûndarî. Mûndû ûmwe nîwonire mûthithû ûcio na akîûthitha mûgûndarî ûcio rîngî. Ke nîwakenire mûno na akîthiî akîendia indo ciake cionthe na akîgûra mûgûnda ûcio.

Nwatî mbeû ciîngî nîciagwîre mûtheturî ûrîa warî mûnoru na igîciara mûno; imwe nîciaciarire maita îgana, ciîngî igîciara maita mîrongo îtandatû, na ciîngî igîciara maita mîrongo îthatû.”

Tigani ngano na ria ikûranîrie vamwe nginya vîndî ya maketha. Vîndî îo nie nîngera akethi mambe makûûre ria, marîove ikûmbwa ikûmbwa na marîvîvie, na macoke makethe ngano maciige îkûmbîrî rîakwa.’ ”