Popular Bible Verses from रोमियो 14

Share

काँह्भई परमेशरा रे राज्जा च खाणा पीणा मायना नीं रखदा, पर परमेशरा ने ठीक रैहणा, शान्ति कने पवित्र आत्मा ने आनन्द बौहत मायना रखा। सै जे कोई इस तरिके ने मसीह री सेवा कराँ, तिसते परमेशर खुश रैयां कने लोक तिस्सो ईज्जत दें।

जे अहें जिऊंदा ये, तां प्रभुये खातर जिऊंदा ये; कने जे मराँ ए, तां बी प्रभुरे खातर मराँ ए; इस खातर चाए जिऊए या मरें पर अहें हाये त प्रभुरे इ।

इस खातर अहें तिन्हां गल्लां जो करने री सदा कोशिश करदे रौ तिन्हांते जे लोक मिली जुली ने रई सक्को कने इक दुज्जे रे विश्वासा जो मजबूत करने च मदद करी सक्को।

इस खातर अहांजो अप्पूँ चियें दोष लगाणा बन्द करी देणा चाहिन्दा, कने तुहें ये मथी लो भई तुहांरे किसी कम्मा रिया वजह ने तुहांरा साथी विश्वासी कोई पाप नीं करो।

तियां जे पवित्रशास्त्रा च लिखिरा, “प्रभुये गलाया, हऊँ खुद तुहांजो वायदा कराँ, भई हर इक घुटना मेरे सामणे झुकणा, कने हर इक जुबाना परमेशरा रा अंगीकार करना।” इस खातर अहां चते हर इक्की जो परमेशरा रे अग्गे अपणा लेखा-जोखा देणे पौणा।

तिसरा विश्वास जे कमजोर आ, तिसरा बी स्वागत करा, पर तिस्सो क्या करना चाहिन्दा या क्या नीं करना चाहिन्दा इस बारे च बैहस नीं करा।

तू किसी दुज्जे घरा रे सेवका पर इल्जाम लाणे औल़ा कुण हुआं? ये सिर्फ तिसरा इ स्वामी तैह कराँ भई तिने खरा कित्या या खरा नीं कित्या। पर सै सफल हूणा, काँह्भई प्रभुये तिस्सो खड़ा हुणे रे लायक बनाणा।