Popular Bible Verses from रोमियो 11

Share

काँह्भई सब किछ परमेशरा तेई औंआं। तिने सब किछ बणाईरा कने सब किछ तिसरा इ हाया। तिसजो सदा आदर मिलदा रौ। आमीन।

ओह! हकीकत च परमेशर सारयां रे खातर भला कने सै बौहत बुद्धिमान कने ज्ञानी आ। कोई बी तिसरे विचाराँ रा बखान करी नीं सकदा, कने कोई बी तिसरे मार्गां जो समझी नीं सकदा।

तियां जे पवित्रशास्त्र बोलां : “कोई बी नीं जाणदा भई प्रभु कियां सोच्चां; कने कोई तिस्सो सलाह देई नीं सकदा।

तियां इ आज्ज कल बी किछ येढ़े लोक बचीरे तिन्हौं जे परमेशरे अपणे अनुग्रह रिया वजह ने चुणीरा। कने जे सै परमेशरा रे अनुग्रह ने हुया, तां लोक सै जे कर्म कराँ ये, ये तिन्हां कर्मां रा नतीजा निआं; नैत परमेशरा रा अनुग्रह फेरी अनुग्रह नीं रैया।

इस्राएली लोक जैतून डाल़ां रियां डाल़ियां साई ये कने पूर्वज अब्राहम, इसहाक कने याकूब डाल़ां रियां जड़ां साई ये। जे किछ डाल़ियां तोड़ी दित्तियां जाओ, कने तुहें अन्यजातियां रे लोक जंगली डाल़ां रियां डाल़ियां साई ये कने तिन्हां डाल़ां पर कलम कित्ते गईरे तां तुहें तिन्हां जैतून रे खरयां डाल़ां री जड़ां री खुराका रा हिस्सा हुईगे, तां तिज्जो तिन्हां डाल़ियां रे अग्गे घमण्ड नीं करना चाहिन्दा, सै जे तोड़ीने सट्टि दित्ति रियां; कने जे तू घमण्ड कराँ तां याद रखयां भई तू जड़ां जो नी पाल़ीराँ, पर येत सै जड़ इ सै जे तिज्जो पाल़ी कराँ ईं।