Popular Bible Verses from फिलिप्पियां 3

Share

मेरे साथी विश्वासियो, हऊँ ये दावा नीं करदा भई हऊँ तिसजो पाई चुक्कीरा, पर इक काम्म तिस्सो जे हऊँ कराँ भई अतीत रे बारे च भुल्लीने भविष्य पर ध्यान देआं। तां हऊँ ईनाम जितने रे खातर सिधा मकसदा रिया तरफा दौड़ां, सै जे अनन्त जीवना रे खातर यीशु मसीह रे जरिये मिन्जो परमेशरा रा बुलावा।

हऊँ मसीह जो जाणना चाँह कने तिसा सामर्था जो महसूस करना चाँह तिसे जे मसीह जो मूईरयां चते जिऊंदा कित्या। तिने सै जे दुख सैया हऊँ बी तेढ़ा इ दुख सैईने तिसरा सहभागी हूणा चाँह, कने तियां जे सै मरया तियां इ हऊँ बी मरना चाँह। ताकि परमेशर मेरिया मौती ते बाद मिन्जो भीं ते जिऊंदा करगा।

होर बी जादा, हऊँ समझां भई तिस सब्बीं किजि री कोई कीमत नीं काँह्भई ताहली जे हऊँ इसरी तुलना जादा कीमता ने कराँ सै जे यीशु मसीह जो मेरा प्रभु बोलीने जाणना। तिसरिया वजह ने हऊँ सब किछ त्यागी चुक्कीरा कने हऊँ तिन्हांजो कूड़ा समझां ताकि हऊँ मसीह रा हुई सक्कूँ।

पर तिन्हां चीजां जो जे मैं पैहले बौहत कीमती समझया था, हुण हऊँ तिन्हां चीजां जो मसीह रिया वजह ने बौहत बेकार समझां।