Popular Bible Verses from 1 यूहन्ना 2

Share

तुहें न त तिन्हां चिज़ां री इच्छा करा, तिन्हांरी इच्छा सै लोक कराँ ये सै जे परमेशरा रा अनादर कराँ ये, जे कोई संसारा रे तिन्हां लोकां साई व्यवहार कराँ तिसते जे परमेशरा जो महिमा नीं मिलो, तां सै पिता परमेशरा ने प्यार नीं करदा। काँह्भई जो किछ संसारा चा, यनिके शारीरिक सुख भोगणे री इच्छा, कने देक्खी रियां चिज़ां जो पाणे री इच्छा, कने संसारा री धन-दौलत जिस पर लोक इतणा घमण्ड कराँ ये, पिता परमेशर अहौं इस तरिके ने जीणा नीं सिखान्दा बल्कि सै त संसारा रिया तरफा ते आ।

ये संसार कने जो किछ इस चा तिसरी जे लोक लालसां कराँ ये, सै सारा किछ बड़ा जल्दी खत्म हुई जाणा, पर सै जे परमेशरा रिया इच्छा रे मुतावक जीआं, सै अमर हुई जां।

सै जे कोई ये बोलां भई मेरा तिसने सम्बन्ध आ, तिस्सो परमेशरा रे हुक्मा रा पालन तियां इ करना चाहिन्दा, तियां जे यीशु मसीह कित्या।

मेरे प्यारे बच्चयो, ये गल्लां हऊँ तुहांजो इस खातर लिखिराँ भई तुहें पाप नीं करो, कने जे कोई पाप करो तां परमेशर पिता ले अहांरा इक सहायक आ यनिके धर्मी यीशु मसीह तिस्सो जे अहें पापां जो माफ करने रे खातर बोल्ली सक्कां ये।

सै जे कोई ये बोलां भई “मेरा परमेशरा ने गैहरा रिश्ता,” कने तिसरे हुक्मा रा पालन नीं करदा, तां सै झूट्ठा, कने सै तिसा सच्चाईया जो नीं ग्रहण करदा तिसाजो जे परमेशरे परगट कित्तिरा।

जे अहें परमेशरा रे हुक्मा रा पालन करगे, येई सै रस्ता तिसते जे अहांजो निश्चा भई अहांरा तिसने अच्छा सम्बन्ध आ।

सै जे कोई ये बोलां भई हऊँ जो किछ कराँ परमेशरा रिया जोतिया रे मुतावक कराँ, पर अपणे साथी विश्वासिये ने नफरत कराँ, तां सै हूणा तक बुराईया रे अन्धेरे ची जी कराँ।

पर सै जे येढ़ा गल्लां भई यीशु मसीह निआं, सै झूट्ठा माहणु आ। येढ़ा माहणु मसीह रा बैरी आ। सै त पिता परमेशरा रा कने पुत्रा दुईं रा इन्कार कराँ।

सै जे कोई पुत्रा रा इन्कार कराँ तिसरा पिता परमेशरा ने कोई सम्बन्ध निआं, पर सै जे पुत्रा जो मन्नी लेआं, तिसरा पिता परमेशरा ने बी सम्बन्ध हाया।